Cəlilabadın sabiq icra başçısının məhkəməsində 15 şahid dindirilib
10:47 29 Yanvar 2022
Sabunçu Rayon Məhkəməsinin inzibati binasında Cəlilabad Rayon İcra Hakimiyyətinin hazırda həbsdə olan sabiq başçısı Namiq Zeynalovun cinayət işi üzrə məhkəmə iclası davam etdirilib, şahidlər ifadə verib.
Femida.az xəbər verir ki, Lənkəran Ağır Cinayətlər Məhkəməsinin hakimi Xamməd Nuriyevin sədrliyi ilə keçirilən prosesdə 15 şahid dindirilib.
Daha sonra şahidlər məhkəmənin, dövlət ittihamçısının və vəkillərin suallarını cavablandırıblar.
Məhkəmənin növbəti iclası fevralın 4-nə təyin edilib.
Qeyd edək ki, N.Zeynalov 2020-ci ilin dekabr ayında Dövlət Təhlükəsizliyi Xidmətinin Cəlilabad Rayon İcra Hakimiyyətində keçirdiyi xüsusi əməliyyat zamanı saxlanılıb.
Ona Cinayət Məcəlləsinin 179.2.2 (Mənimsəmə və ya israf etmə təkrar törədildikdə) 179.2.3 (şəxs tərəfindən öz qulluq mövqeyindən istifadə etməklə törədildikdə); 179.2.4 (xeyli miqdarda ziyan vurmaqla törədildikdə), 308.2 (Vəzifə səlahiyyətlərindən sui-istifadə), 311.3.3 (külli miqdarda rüşvət alma), 311.3.2 (təkrar rüşvət alma), 313-cü (Vəzifə saxtakarlığı) maddələri ilə ittiham verilib.
N.Zeynalov 5 milyon manatdan artıq vəsaiti mənimsəmədə və rüşvət alma yolu ilə ələ keçirməkdə ittiham olunur.
Oxunub: 600
Oxşar xəbərlər
- Cəlilabadın icra başçısının müavini işdən çıxarılıb
- Cəlilabadın sabiq başçısının məhkəməsində 15 şahid dindirilib
- Cəlilabadın sabiq başçısının məhkəməsində 30 şahid dindirilib
- Cəlilabadın sabiq icra başçısının məhkəməsində 25 şahid dindirilib
- Cəlilabadın sabiq icra başçısının məhkəməsində 60-a yaxın şahid dindirilib
- Cəlilabadın həbs edilən icra başçısına qarşı sürülən ittihamlar məlum olub
- Cəlilabadın bir kəndinin 26 sakinində koronavirus aşkarlanıb