G7 Rusiya neftinin qiymətlərini məhdudlaşdırmaq imkanlarını araşdırır
11:47 09 İyun 2022
G7 ("Böyük Yeddilik") ölkələri Rusiyadan tədarük olunan neftin qiymətinin müəyyən edilməsi imkanını müzakirə edirlər. Bu cür müzakirələr Moskvanın gəlirlərini azaltmaq və Ukraynaya qarşı müharibəni maliyyələşdirmək məqsədi ilə aparılır.
Bu barədə Femida.az ABŞ Prezidentinin milli təhlükəsizlik müşaviri Ceyk Sallivanın bəyanatına istinadən xəbər verir.
O qeyd edib ki, enerji məsələlərinə dair danışıqlar bir çox kanallar vasitəsilə aparılır.
"Bu kanallardan birini "Böyük Yeddilik" ölkələri liderlərinin etibarlı adamları olan şerpalar təmsil edir. Görək, həm enerji mövzusunda, həm də Rusiyanın neft gəlirlərinin azaldılmasının müxtəlif variantları üzrə ümumilikdə hansı uğura nail olacağıq", - Sallivan deyib.
Bir gün əvvəl ABŞ-ın maliyyə naziri Canet Yellen deyib ki, Birləşmiş Ştatlar Moskvanın onun satışından əldə etdiyi gəliri məhdudlaşdırmaq şərti ilə Rusiya neftinin dünya bazarına çıxarılmasının əleyhinə deyil.
Oxunub: 290
Oxşar xəbərlər
- G7 dekabra qədər Rusiya neftinə qiymət həddi tətbiq edə bilər
- G7 Putini Ukraynadakı müharibəyə görə məsuliyyətə cəlb etməkdə israrlıdır
- G7 Rusiyanı zəiflətmək üçün yeni sanksiyalar tətbiq edəcək
- G7 ölkələri Rusiyadan idxala məhdudiyyətlər tətbiq edəcək
- G7 ölkələri Rusiya qazından imtina ilə bağlı razılıq əldə edib
- G7 ölkələri Ukraynaya əlavə silahlar göndərəcək, Rusiyaya qarşı sanksiyaları genişləndirəcəklər
- G7 liderləri Çinə uyğur türkləri və COVID-19-la bağlı çağırış etdilər