“Azəryolservis”dən sürücülərə MÜRACİƏT

20:35 05 Fevral 2016

“Azəryolservis” ASC iri qabaritli, ağır çəkili nəqliyyat vasitələrinin sürücülərinə müraciət edib.

Femida.azmüraciəti təqdim edir:

“Azərbaycan Respublikasının ümumi istifadədə olan avtomobil yolları ilə hərəkət edən avtonəqliyyat vasitələrinin icazə verilən qabarit və çəki parametrləri haqqında Nazirlər Kabinetinin 2009-cu il 07 iyul tarixində təsdiq edilmiş 104 nömrəli qərarı ilə müəyyən edilmiş qabarit və çəki parametrlərinə uyğun olmayan nəqliyyat vasitələri "Azəryolservis” Açıq Səhmdar Cəmiyyəti tərəfindən verilmiş xüsusi icazəyə malik olmalı və həmin xüsusi icazədə göstərilmiş şərtlər və marşrut üzrə hərəkət etməlidirlər.

Əks halda yol hərəkətinin təhlükəsizliyi nəzərə alınaraq həmin avtonəqliyyat vasitələri hərəkətdən kənarlaşdırılacaqlar. Onların hərəkəti xüsusi icazə alındıqdan sonra və yalnız təyin olunmuş marşrut üzrə bərpa oluna bilər. Nəqliyyat vasitəsinin icazə verilən qabaritləri Nazirlər Kabinetinin 2009-cu il 07 iyul tarixli 104 nömrəli qərarı ilə təsdiq edilmiş 1 nömrəli cədvəllə müəyyən edilmiş hədləri aşmamalıdır.

Femida.az