Kiyevdə toqquşmalar olub
02:07 21 Fevral 2016
Kiyevin Müstəqillik meydanında Milli Qvardiyanın əməkdaşları və “Radikal Sağ Sektor” hərəkatının nümayəndələri arasında toqquşmalar baş verib.
Femida.az xəbər verir ki, radikallar meydanda gecələmək məqsədilə ərazidə çadırlar qurmağa cəhd ediblər. Lakin asayiş keşikçiləri “canlı sədd” quraraq, onlara meydanın mərkəzinə keçməyə mane olublar. Bu zaman Milli Qvardiyanın əməkdaşları və radikallar arasında qarşıdurma baş verib. Məlumata görə, toqquşmada hər iki tərəfdən 150-dək şəxs iştirak edib.
Qeyd edək ki, bu arada “Kazatski” otelində qərargah qurmuş radikal sağçı qüvvələrin nümayəndələri hökumətə öz tələblərini irəli sürüblər.
Məlumata görə, radikallar tərtib etdikləri siyahıda adları çəkilən siyasi məhbusların azadlığa buraxılmasını, meydanda çadır şəhərciyinin qurulmasına mane olmamağı tələb ediblər.
Qərargah nümayəndələri, həmçinin, prezident və hökumətin istefasını tələb edirlər. Onlar sabah, fevralın 21-də, meydanda “xalq toplantısı”nın keçiriləcəyini elan ediblər.
Qeyd edək ki, Kiyevin mərkəzində 2014-cü ilin 18-20 fevral tarixlərində Meydanda həlak olan etirazçıların xatirəsinə həsr olunmuş anım tədbirləri təşkil olunub. /apa/
Femida.az
Oxunub: 707
Oxşar xəbərlər
- Kiyevdə Azərbaycan vətəndaşı həbs olunub
- Kiyevdə azərbaycanlı həbs olundu - Qətldə ittiham olunur
- Kiyevdə atışma - Yaralanan var
- Kiyevdə müxalifətin aksiyası keçirilir
- Kiyevdə Müslüm Maqomayev parkı salınacaq
- Kiyevdə bomba həyəcanı
- Kiyevdə Azərbaycan mədəniyyəti günü keçirilir
- Kiyevdə də partlayış olub
- Kiyevdə gərginlik yaranıb
- Kiyevdə “İnter” telekanalının binası yanğın