Polşada Xocalı soyqırımı anıldı - FOTO
18:25 25 Fevral 2016
Polşanın Varşava şəhərində "Erməni yalanına işıq sal!" adlı dinc aksiya keçirilib. Disporla İş üzrə Dövlət Komitəsinin (DİDK) mətbuat xidmətindən verilən məlumata görə, Polşadakı Azərbaycanlı Gənclər Şurasının təşəbbüsü ilə təşkil olunan aksiya Varşavanın "Stare Miasto" adlı mərkəzi küçəsində baş tutub.
Aksiya iştirakçıları əllərində BMT və ATƏT kimi beynəlxalq təşkilatların emblemlerini əks etdirən plakatlar tutaraq, bu qurumların 1992-ci ildə Xocalıda baş verən soyqırıma susmasına etirazlarını ifadə ediblər. Azərbaycanlı gənclər Polşa xalqını və hökumətini bu qətliama susmamağa çağırıb, şəhər sakinlərini Xocalıda baş verən soyqırımla bağlı məlumatlandırıblar. Azərbaycan Respublikasının Polşadakı Səfirliyi tərəfindən hazırlanan Xocalı soyqırımı haqqında bröşurlar şəhər əhalisinə paylanılıb.
Polşada fəaliyyət göstərən Azərbaycanlı Gənclər Şurasının sədri Nail Əhməd bildirib ki, azərbaycanlı tələbələr fevralın 25-də Vroslav şəhərində Xocalı soyqırımı ilə bağlı böyük yürüş keçirəcək.
Oxunub: 2307
Oxşar xəbərlər
- Polşadan Azərbaycana gələnlərin nəzərinə: Konsulluq işləməyəcək
- Polşada yaşayan azərbaycanlılar aksiya keçirdi - Ermənistan səfirliyi qarşısında
- Polşada 10 min insan təxliyə edildi - Bomba təhlükəsi
- Polşadan Azərbaycana Qarabağ dəstəyi
- Polşada Bakıxanovun xatirə lövhəsi quraşdırılacaq
- Polşada binada partlayış: ölənlər var
- Polşadakı azərbaycanlı gənclər toplanır
- Polşada ermənilər saxlanılıb
- Polşada qəza : 80-a yaxın maşın toqquşdu
- Polşada 2 erməni saxlanıldı