Əmlak komitəsinə yeni səlahiyyət verildi
14:00 04 Aprel 2016
Artıq vətəndaşlar öz əmlaklarının qiymətləndirilməsini daha asan və obyektiv həyata keçirə biləcək. Əmlak Məsələləri Dövlət Komitəsinə belə bir səlahiyyət verilib. Vətəndaşlar daşınmaz əmlak sahəsinə aid qarşılaşdıqları problemlərlə bağlı qurumdan pulsuz hüquqi yardım da ala biləcəklər.
Əmlak Məsələləri Dövlət Komitəsinə vətəndaşlara pulsuz hüquqi yardım göstərilməsi ilə bağlı yeni səlahiyyət verilib. Artıq vətəndaşlar torpaq, eləcə də sahib olduqları daşınmaz əmlakla bağlı reyestr xidmətinin ərazi ofislərinə yaxınlaşmaqla tam məlumat ala bilərlər.
Komitə eyni zamanda daşınmaz əmlakın qiymətləndirilməsi ilə bağlı da fəaliyyətini də genişləndirir. Qurum artıq Sumqayıt, Quba və Xaçmazda 150 mindən çox əmlakın qiymətləndirilməsini başa çatdırıb. Vətəndaşlar bu məlumatdan faydalanmaqla yanaşı ərazi ofislərində daşınmaz əmlakı girov qoyan, eləcə də satan zaman onun bazara uyğun qiymətləndirməsini həyata keçirə bilərlər. Xidmətin qiyməti isə əmlakın həcmindən asılı olaraq dövlətin müəyyən etdiyi tariflər əsasında həyata keçirilir.
Qurumun sözçüsü eyni zamanda torpaqların elektron kadastr və uçot sisteminin yaradılması ilə bağlı komitənin üzərinə qoyulan vəzifələrin sürətlə yerinə yetirildiyinə də diqqət çəkib. Ölçmə işləri ilə yanaşı məlumatların yeni elektron bazaya daxil edilməsi gələcəkdə torpaqlardan elmi istifadəni asanlaşdıracaq və torpaqların keyfiyyət göstəricilərinin artırılmasına geniş imkan yaradacaq.
Oxunub: 945
Oxşar xəbərlər
- Əmlakın icbari sığortasından daxilolmalar azalıb
- Əmlakın girov qoyulması qaydası dəyişdi
- Əmlakın qeydiyyatında daha bir yenilik – İş yerində qeydiyyat
- Əmlak Komitəsinin səlahiyyəti – Ləğv edildi
- Əmlak bazarında qiymətlər sabitləşəcək
- Əmlak Komitəsindən - Yeni xidmət
- Əmlak Komitəsindən yeni xidmət
- Əmlak hərraca necə çıxarılır? – Hüquqi yardım
- Əmlak vergisini kimlər ödəməlidir?
- Əmlakımız hansı hallarda müsadirə olunur – ARAŞDIRMA