Ruhani Əliyevdən sonra Sarkisyana zəng etdi
15:52 07 Aprel 2016
İran Prezidenti Həsən Ruhani və Ermənistan Prezidenti Serj Sarkisyan arasında telefon danışığı baş tutub.
Femida.az xəbər verir ki, bu barədə Ermənistan prezidentinin mətbuat xidmətindən məlumat verilib.
Hər iki dövlət başçısı Qarabağ münaqişəsinin sülh yolu ilə nizamlanmasının vacibliyindən danışıblar.
“İki ölkə prezidenti də bildiriblər ki, Dağlıq Qarabağ münaqişəsinin hərbi yolla həlli mümkün deyil”, - məlumatda qeyd olunub.
Qeyd edək ki, İran İslam Respublikasının Prezidenti Həsən Ruhani aprelin 6-da Azərbaycan Respublikasının Prezidenti İlham Əliyevə telefonla zəng etmişdi.
Telefon danışığında İran Prezidenti Ermənistan-Azərbaycan qoşunlarının təmas xəttində baş vermiş son hadisələrlə bağlı narahatlıq keçirdiyini bildirib və tərəflər arasında atəşkəs razılaşmasının əldə olunmasını alqışlayıb.
Prezident İlham Əliyev cəbhə xəttindəki son vəziyyətlə bağlı İran Prezidenti Həsən Ruhaniyə məlumat verib və bildirib ki, Azərbaycan tərəfi hər zaman Ermənistan-Azərbaycan, Dağlıq Qarabağ münaqişəsinin sülh yolu ilə nizamlanmasının tərəfdarı olub, lakin Ermənistan daim qeyri-konstruktiv mövqe tutub və atəşkəs rejiminə əməl etməyib. Dövlətimizin başçısı təmas xəttində baş vermiş son hadisələri Ermənistan tərəfinin növbəti təxribatı kimi dəyərləndirib.
Oxunub: 1487
Oxşar xəbərlər
- Ruhani Bakıya gəlir
- Ruhani İlham Əliyevə təşəkkür edib
- Ruhani Əsədlə telefonda danışıb
- Ruhani Bakıya gələcək
- Ruhani Myanmar cinayətindən danışdı
- Ruhaninin yeni köməkçiləri qadınlar olacaq
- Ruhani Sarkisyanla Qarabağı müzakirə etdi
- Ruhaninin andiçmə mərasimi keçirilib
- Ruhaninin qardaşı azad edildi - Pul girovu müqabilində
- Ruhaninin həbs olunan qardaşı xəstəxanaya düşdü