Apardı sellər Tiflisi - FOTOLAR
21:28 16 İyun 2015
Gürcüstanda yağan güclü leysan yağışlarının paytaxt Tbilisidə törətdiyi ciddi fəsadların aradan qaldırılmasında gənclər yaxından iştirak ediblər.
Femida.az gürcü mətbuatına istinadən xəbər verir ki, onlarla gənc Tbilisinin mərkəzində təmir-bərpa, təmizlik işləri görüblər. Ölkəyə gələn əcnəbilər - müxtəlif ölkələrin səfirliklərinin əməkdaşları, tələbələr, turistlər təmizlik işlərinə qoşulub.
Gürcüstanda təbii fəlakətin fəsadlarının aradan qaldırılmasında Azərbaycanlı gənclər də fəal iştirak ediblər. Onlar Tbilisinin mərkəzində - Qəhrəmanlar meydanında təmizlik işləri görüblər. 500 metr uzunluğunda yolu və ətraf ərazini sel sularının gətirdiyi daşlardan, çınqıldan və ağac qırıntılarından təmizləyiblər.
Femida.az həmin görüntüləri təqdim edir:
Oxunub: 1206