Böyük Britaniya İraqa girməməli idi - Hesabat
20:11 06 İyul 2016
Böyük Britaniya İraqa daxil olana qədər bu ölkədəki münaqişə sülh yolu ilə həllini tapa bilərdi.
Bu barədə 2003-2009-cu illərdə Böyük Britaniyanın İraq kampaniyasında iştirakını araşdıran komissiyanın sədri Con Çilkot müvafiq hesabatı təqdim edərkən deyib.
"Biz belə qənaətə gəldik ki, hərbi müdaxilə olmamışdan öncə münaqişə sülh yolu ilə həllini tapa bilərdi", - deyə C. Çilkot qeyd edib.
Hesabatda deyilir ki, Böyük Britaniya qoşunu İraqa BMT Təhlükəsizlik Şurasının icazəsi olmadan daxil olub: "Böyük Britaniya hökuməti İraqa hərbi müdaxilənin nəticələrini tam dərk etməyib".
C. Çilkot deyib ki, İraqda nüvə silahının yaradılması təhlükəsi yox idi. Buna səbəb rəsmi Bağdada qarşı yürüdülən sanksiyalar idi. "Nəticədə hərbi müdaxilə qeyri-dəqiq, təsdiqlənməyən məlumatlar əsasında baş verib. Britaniya hökuməti bildirir ki, ABŞ hərbi müdaxiləyə və ondan sonrakı dövrə zəif hazırlaşıb. Hərbçilər uğurlu kampaniyaya, yəni bir ay ərzində Bağdadın süqutu və Səddam Hüseynin ələ keçirilməsinə ümid edirdi. Lakin hərbi müdaxilə səhv addım idi və onun fəsadları indi də hiss olunur", - deyə o bildirib.
Həmin dövrdə baş nazir olan Toni Bler isə bildirib ki, İraqda buraxdığı səhvlərə görə, məsuliyyət daşımağa hazırdır. Bununla yanaşı, o bildirib ki, Səddam Hüseynin devrilməsi zəruri idi.
Xatırladaq ki, İraqda müharibə 2003-cü ilin yazında başlayıb. O zaman ölkəyə ABŞ və onun müttəfiqlərinin hərbi qüvvələri daxil oldu. (APA)
Femida.az
Oxunub: 1213
Oxşar xəbərlər
- Böyük Britaniya Azərbaycanda ən böyük investordur
- Böyük Britaniya Gömrük Birliyini tərk edəcək
- Böyük Britaniyanın səfiri Lənkəranda
- Böyük Britaniya səfiri BDU-da olub
- Böyük Britaniyada yüzlərlə qaçqın uşaq itib
- Böyük Britaniyanın yeni baş naziri bilindi
- Böyük Türkün doğum günüdür
- Böyük Britaniya tələbə vizalarını ləğv edir
- Böyük Britaniyada Xocalı faciəsi anılıb
- Böyük Britaniyadan Ermənistana ağır zərbə