Saday Şəkərlinin məhkəməsi başladı
16:39 20 İyul 2016
Bu gün Bakı Apellyasiya Məhkəməsində hakim Camal Ramazanovun sədrliyi ilə Saday Şəkərli barəsində olan hökmdən verilən apellyasiya şikayəti üzrə ilkin baxış iclası keçirilib.
Femida.az-ın məlumatına görə, prosesdə təqsirləndirilən şəxsin vəkilləri çıxış ediblər.
Dövlət ittihamçısı S. Şəkərlinin ittiham olunduğu 182.3.2-ci maddənin 182.2.4-cü maddəyə tövsif edilməsini istəyib.
Proses avqustun 3-də davam edəcək.
Xatırladaq ki, Bakı Ağır Cinayətlər Məhkəməsinin hökmü ilə S. Şəkərli 10 il müddətinə azadlıqdan məhrum edilib.
O, Cinayət Məcəlləsinin 182.3.2-ci (külli miqdarda əmlakı hədə-qorxu ilə tələb etmə) maddəsi ilə ittiham olunub. S.Şəkərli Azərbaycan Yazıçılar Birliyinin üzvüdür.
Femida.az
Oxunub: 940