Kəbirə Məmmədovadan polisə şikayət olundu
03:50 23 Sentyabr 2016
Binə Ticarət Mərkəzinin rəhbəri Kəbirə Məmmədova dələduzluqda ittiham olunur.
Femida.az-ın “Report”a istinadən xəbərinə görə, Xəzər rayonu, Mərdəkan qəsəbə sakini Bayram Qurbanov Xəzər Rayon Polis İdarəsinə (RPİ) müraciət edərək K.Məmmədovanın dələduzluq yolu ilə onun 46 min ABŞ dolları pulunu ələ keçirdiyini bildirib.
Faktla bağlı Xəzər RPİ-də araşdırma aparılır.
Binə Ticarət Mərkəzinin hüquqşünası Fuad Cəfərov məsələdən xəbərsiz olduğunu bildirib. Lakin o, K.Məmmədovanın heç kimdən pul almadığını deyib: “Əksinə, Kəbirə xanım daim xeyriyyəçilik əməlləri ilə məşğul olub. Yəni o çox adama pul verib, lakin heç kimdən pul almayıb”.
Oxunub: 2124
