Müəllimlərə şad xəbər - Maaşlar köçürüldü
20:11 16 Noyabr 2016
Müəllimlərə əmək haqları ilə yanaşı sentyabr ayı üzrə müəyyən edilən yeni dərs saatlarına görə əlavələr də verilib.
Bakı Şəhəri üzrə Təhsil İdarəsi bu həftədən etibarən müəllimlərin oktyabr ayı üçün nəzərdə tutulan əmək haqlarını ala biləcəyini açıqlasa da, onların bəziləri bu gün də maaşını almayıb. Femida.az-ın xəbərinə görə, bəzi rayonlar üzrə müəllimlərin əmək haqları hələ də gecikdirilir.
Femida.az xəbər verir ki, Təhsil İdarəsindən APA-nın sorğusuna cavab olaraq bildirilib ki, 2016-2017-ci tədris ili üzrə sinif və şagird kontingentli barədə məlumatların emalı prosesi artıq başa çatıb və bütün ümumi təhsil müəssisələrində çalışan müəllimlərin əməkhaqqısı onların bank hesablarına köçürülüb:
“Sadəcə, maaşın karta köçürülməsi prosesi texniki cəhətdən müəyyən vaxt ala bilər. Bu hal hər tədris ilinin əvvəlində müşahidə olunur. Müəllimlər narahat olmasınlar, onlar yaxın zamanda gecikmiş əmək haqlarını ala biləcəklər”.
Təhsil İdarəsindən o da bildirilib ki, sentyabr ayında dərs yeni başladığından müəllimlərin əksəriyyətinin dərs saatları tam formalaşmayıb. Buna görə də onlar sentyabr ayının əmək haqlarını müəyyən kəsrlərlə alıblar. Bu ay isə müəllimlərə əmək haqları ilə yanaşı sentyabr ayı üzrə müəyyən edilən yeni dərs saatlarına görə əlavələr də verilib.
Oxunub: 5881
Oxşar xəbərlər
- Müəllimlərə ŞAD XƏBƏR
- Müəllimlərə ŞAD XƏBƏR
- Müəllimlərə bir milyon `atan` qadının məhkəməsi oldu
- Müəllimlərə 10 min manata qədər qrant veriləcək
- Müəllimlərə maaş əvəzinə cücə veriləcək
- Müəllimlərə 50 milyon manat ayrıldı
- Müəllimlərə şad xəbər: 5 min pul verildi (SİYAHI)
- Müəllimlərə şad xəbər - Maaş artacaq
- Müəllimlərə siqaret çəkmək qadağan edilə bilər