Ramil Usubov serbiyalı həmkarı ilə görüşüb
17:42 05 Dekabr 2016
Daxili işlər naziri, general-polkovnik Ramil Usubovun dəvəti ilə Serbiya baş nazirinin müavini - daxili işlər naziri Neboyşa Stefanoviç Azərbaycana rəsmi səfər edib.
Daxili İşlər Nazirliyinin mətbuat xidmətindən Femida.az-a verilən məlumata görə, dekabrın 5-də R. Usubov Neboyşa Stefanoviçin başçılıq etdiyi nümayəndə heyətini qəbul edib. R. Usubov ölkəmizin tarixən Balkan dövlətləri, o cümlədən Serbiya ilə dostluq əlaqələrinin mövcudluğunu, hələ ikinci dünya müharibəsi zamanı xalqlarımızın faşizmə qarşı birgə mərdliklə mübarizə apardıqlarını, Yuqoslaviya partizan hərəkatında azərbaycanlıların da yer aldıqlarını məmnunluqla xatırladıb. Daha sonra nazir R. Usubov Ermənistanın hərbi müdaxiləsi nəticəsində torpaqlarımızın 20 faizinin işğal edilməsi, nəticədə 1 milyondan artıq soydaşımızın doğma yurd yerlərindən didərgin düşməsi barədə məlumat verib.
Beynəlxalq hüququn təməl prinsiplərinə, dövlətlərin ərazi bütövlüyünün toxunulmazlığı məsələsinə münasibətdə hər iki ölkənin mövqeyinin üst-üstə düşdüyünü nəzərə çatdıran R. Usubov Azərbaycanın ərazi bütövlüyünün dəstəklənməsinə, parlament tərəfindən Xocalı faciəsinin soyqırımı kimi tanınmasına görə Serbiyaya təşəkkürünü bildirib. Mövcud problemlərə toxunan daxili işlər naziri transmilli mütəşəkkil cinayətkarlığın əsas növlərindən olan narkotiklərin qanunsuz dövriyyəsi, beynəlxalq terrorçuluq, insan alveri, qanunsuz miqrasiya və kibercinayətkarlıq ilə mübarizənin diqqət mərkəzində dayandığını, onlara qarşı yalnız birgə səylərlə səmərəli mübarizə aparılmasının mümkünlüyünü vurğulayıb.
Neboyşa Stefanoviç ölkələrimiz arasındakı əlaqələrin son illər bütün sahələrdə genişlənərək daha da dərinləşdiyini, oxşar münaqişələrdən əziyyət çəkən hər iki dövlətin bir sıra problemlərə dair beynəlxalq müstəvidə eyni mövqedən çıxış etdiyini, yaxın dost saydıqları Azərbaycanın Daxili İşlər Nazirliyi ilə əməkdaşlığın daha da inkişaf etdirilməsində maraqlı olduqlarını diqqətə çatdırıb.
Görüşdə qarşılıqlı maraq doğuran bir sıra digər məsələlər də müzakirə olunub.
Femida.az
Oxunub: 1103
Oxşar xəbərlər
- Ramil Usubov: “Qarabağ və Şərqi Zəngəzur üçün ciddi təhlükə yoxdur”
- Ramil Usubov: "Bəzi qüvvələr bölgədə yaranan sabitliyin yenidən pozulması üçün təxribatlara əl atır"
- Ramil Usubov: "Ermənistanla sərhədlərin demarkasiyası və delimitasiyası yekunlaşır"
- Avropa Məhkəməsi ermənilərin Ramil Səfərovla bağlı iddiasını rədd etdi
- Deputat: “Ramil Səfərovun əfvi beynəlxalq hüquqi razılşamadan irəli gəlir”
- Ramil Səfərovun vəkili: "Ermənilər səs-küy qaldıraraq ikinci zabitimizi də məsuliyyətə cəlb etmək istəyirdi" (MÜSAHİBƏ)
- Azərbaycanın Britaniyadakı səfiri AİHM-ə Ramil Səfərovla bağlı cavab verdi
- Çingiz Əsgərov Ramil Səfərovla bağlı qərarı şərh etdi - VİDEO
- Ramil Usubovun oğlunun yerinə təyinat oldu
- Ramil Usubov İsrail səfirini qəbul edib