Amerikalı general Azərbaycana təşəkkür etdi
19:42 16 Fevral 2017
Müdafiə naziri, general-polkovnik Zakir Həsənov Azərbaycanda səfərdə olan ABŞ-ın Birləşmiş Qərargah Rəisləri Komitəsinin sədri, general Cozef Danfordun rəhbərlik etdiyi nümayəndə heyəti ilə görüşüb.
Müdafiə Nazirliyindən Femida.az-a verilən məlumata görə, Z. Həsənov iki ölkə arasında hərbi əlaqələrin uğurla inkişaf etdiyini qeyd edərək Azərbaycanla ABŞ arasında hərbi əməkdaşlıq, o cümlədən Silahlı Qüvvələrimizin NATO proqramları çərçivəsində fəaliyyəti, Əfqanıstanda həyata keçirilən "Qətiyyətli dəstək" qeyri-döyüş missiyasına verilən töhfə haqqında ətraflı danışıb.
Bölgədəki hərbi-siyasi vəziyyətə toxunan Z. Həsənov münaqişənin beynəlxalq hüquq normaları çərçivəsində həllinə nail olunmasının vacibliyini vurğulayıb.
Öz növbəsində general C.Danford Azərbaycan prezidenti, Ali Baş Komandan İlham Əliyevin Silahlı Qüvvələrdə həyata keçirdiyi uğurlu islahatlardan xəbərdar olduğunu və ölkəmizin terrorizmlə mübarizədə iştirakını, o cümlədən sülhməramlılarımızın Əfqanıstandakı əməliyyatlarda yüksək peşəkarlığını diqqətə çatdırıb.
Qarşılıqlı maraq doğuran görüşdə Xəzər dənizində təhlükəsizlik məsələləri, kütləvi qırğın silahlarının yayılmaması, həmçinin ölkələrimiz arasında ikitərəfli hərbi əlaqələrin genişləndirilməsi, treninqlərin keçirilməsi və hərbi təhsil məsələləri müzakirə olunub.
Azərbaycana ilk dəfə səfər etməsindən məmnun olduğunu bildirən qonaq Rusiya Federasiyası Silahlı Qüvvələrinin Baş Qərargah rəisi ilə ikitərəfli görüşün Bakıda keçirilməsi üçün göstərilən səylərə və yüksək qonaqpərvərliyə görə Azərbaycan dövlətinin rəhbərliyinə dərin minnətdarlığını bildirib.
Femida.az
Oxunub: 2737
Oxşar xəbərlər
- Amerikalı bəstəkar Xocalı faciəsi barədə əsər yazıb
- Amerikalı aktyor intihar etdi
- Amerikalı həmsədr Qarabağa gəlib
- Amerikalı iş adamı “ADA” Universitetində mühazirə oxuyub
- Amerikalı yeni həmsədr vəzifəsinin icrasına başlayıb
- Amerikalı tələbələr Azərbaycan dilini öyrənəcəklər
- Amerikalı həmsədr: `Tərəflər təslim olmur`
- Amerikalı jurnalist Sülh Platformasının ofisinə baş çəkib
- Amerikalı cazmen Kürdəmirdə konsert verib
- Amerikalı qızın Qusarda keçirilən toyu – VİDEO