Xocalı ilə bağlı tədbirlər planı hazırlanıb
18:00 20 Fevral 2017
Xocalı faciəsinin 25-ci ildönümü ilə əlaqədar Bakı Şəhər Mədəniyyət və Turizm Baş İdarəsi tədbirlər planı hazırlayıb.
Bu barədə Femida.az-a İdarədən məlumat verilib.
Bildirilir ki, Bakı Şəhər Mədəniyyət və Turizm Baş İdarəsi Xocalı faciəsinin 25-ci ildönümü ilə əlaqədar bir sıra tədbirlər keçirəcək. Fevralın 26-da İdarənin kollektivi Xocalı soyqırımının qurbanlarının xatirəsinə ucaldılmış “Ana harayı” abidəsini ziyarət edəcək. İdarənin tabeliyində olan mədəniyyət evləri, uşaq musiqi və incəsənət məktəbləri, kitabxanalar, muzeylər və Heydər Əliyev mərkəzlərində sərgilər, anım gecələri, dəyirmi masalar, ədəbi-bədii kompozisiyalar, məlumat saatları və mühazirələr keçiriləcək.
Həmçinin, İdarənin şəbəkəsinə daxil olan müəssisələrdə Mədəniyyət və Turizm Nazirliyinin kinematoqrafiya şöbəsinin və “Yaddaş” sənədli filmlər studiyasının birgə təşkilatçılığı ilə Azərbaycanın Milli Qəhrəmanları haqqında çəkilmiş sənədli filmlər nümayiş olunacaq.
Tədbirlərin keçirilmə tarixi və saatı Bakı Şəhər Mədəniyyət və Turizm Baş İdarəsinin rəsmi internet saytında yerləşdiriləcək.
Femida.az
Oxunub: 1224
Oxşar xəbərlər
- Xocalı rayonunun Fərrux kəndi Azərbaycanın tam nəzarəti altına keçib - AÇIQLAMA
- Xocalı soyqırımından 30 il ötür
- Xocalının Sığnaq kəndindəki avtobus qəzasında yaralananların son vəziyyəti açıqlanıb
- Prezident Xocalı soyqırımının otuzuncu ildönümü ilə bağlı sərəncam imzalayıb
- Sahibə Qafarova Slovakiya parlamentini Xocalı soyqırımını tanımağa çağırıb
- Spiker Qazaxıstan Parlamentini Xocalı soyqırımını tanımağa çağırıb
- Ermənilər Laçın, Şuşa və Xocalı istiqamətində atəşkəsi pozub
- Xocalıda yeni hərbi hissənin açılışı olub
- Xocalıda silah-sursat aşkarlanıb
- Xocalıda tikinti şirkətinin əməkdaşları minaya düşüb