Telman İsmayılovun oğlu da müflis elan edilir
23:32 21 Mart 2017
Moskva arbitraj məhkəməsində azərbaycanlı oliqarx-keçmiş milyarder Telman İsmayılovun oğlu Ələkbər İsmayılovun müflis elan edilməsi barədə iddia daxil olub.
Məhkəmə iddianı icraata qəbul edib, məhkəmə baxışı aprelin 24-nə təyin olunub.
Bundan əvvəl VTB-Bank tərəfindən qaldırılmış iddia əsasında T.İsmayılovun özü müflis elan edilib və onun milyardlarla dollarlıq kredit əvəzində banklarda girov qoyulmuş əmlakının hərrac yolu ilə satılmasının yolu açılıb. T.İsmayılov həmin bankdan 2012-ci ildə 286 milyon dollar kredit götürüb, bunun əvəzində Moskvadakı məşhur “Praqa” restoranını və digər obyektlərini banka girov qoyub. Lakin kreditləri ödəyə bilmədiyi üçün borcu “şişib”.
Bu arada TVS kanalında araşdırmaçı-jurnalist Andrey Karaulovun T.İsmayılovun müdafiəsinə yönəlmiş sənədli filminin ikinci seriyası efirə gedib. Həmin film Karaulovun “Həqiqət anı” müəllif proqramının internet saytında da yerləşdirilib. Filmdə VTB-Bank T.İsmayılovu qəsdən müflis elan etməkdə və onun əmlakını “su qiymətinə” dəyərləndirib reyder üsulu ilə əlindən almaqda günahlandırılır. (Virtualaz.org)
Femida.az
Oxunub: 2452
Oxşar xəbərlər
- Telman İsmayılovun şikayəti rədd edildi
- Telman İsmayılov Fransaya sığındı
- Telman İsmayılov Türkiyədə axtarışa verildi
- Telman İsmayılov beynəlxalq axtarışa verilib - Qətldə təqsirləndirilir
- Telman İsmayılovun stadionunu alan yoxdur
- Telman İsmayılovun daha bir şirkəti müflis oldu
- Telman İsmayılovun şikayəti qəbul edildi
- Telman İsmayılovun oğlu da müflis olub
- Telman İsmayılov Türkiyə şirkətlərinə uduzdu - 15 milyon ödəyəcək
- Telman İsmayılovun qardaşı həbs olundu