Nazirlik nasaz gəmilərlə bağlı xəbəri təkzib etdi
23:45 06 Avqust 2015
`Yaranan cüzi problem dərhal hərbi dənizçilərimiz tərəfindən yerindəcə aradan qaldırılıb`
Bəzi kütləvi informasiya vasitələrində Xəzər dənizində keçirilən beynəlxalq hərbi oyunlarda Azərbaycan Hərbi Dəniz Qüvvələrini təmsil edən gəmilərdən birində problemin yaranması barədə yayılan məlumatlar həqiqəti tam əks etdirmir.
Bu barədə APA-nın sorğusuna cavab olaraq Azərbaycan Müdafiə Nazirliyinin mətbuat xidmətindən bildirilib.
"Müdafiə Nazirliyinin mətbuat xidməti rəsmi olaraq bəyan edir ki, yaranan cüzi problem dərhal hərbi dənizçilərimiz tərəfindən yerindəcə həll olunub. Hazırda yarışlara qatılan hərbi gəmilər onlardakı silah-texnika və ekipajla tam heyətdə turnirdə iştiraklarını uğurla davam etdirirlər. Yayılan məlumatlardan tam fərqli olaraq, hərbçilərimiz turnirin bu gün üçün nəzərdə tutulan proqramında verilən tapşırıqları müvəffəqiyyətlə yerinə yetirərək dəniz və hava hədəflərini məhv etməklə “əla” nəticə göstəriblər”.
Qeyd edək ki, bu gün Rusiya saytları Azərbaycanın bu ölkədə keçirilən Beynəlxalq Hərbi Oyunlar çərçivəsində “Xəzər kuboku” yarışlarına qatılan komandasının uğursuzluqla üzləşməsi barədə məlumat yayıb.
Qeyd olunub ki, Rusiya və Azərbaycan hərbi donanmalarının gəmiləri yarışların açılışını etməli idi. Ancaq yarışların açılışı Azərbaycan komandasının iştirakı olmadan baş tutub. Azərbaycan komandasının hərbi gəmisinin və silahlarının nasazlığı buna imkan verməyib.
Hərbi oyunların hakimi, general-mayor Dmitri Qorbatenko bildirib ki, Azərbaycan komandası gəmini dəyişərək öz ustalıqlarını avqustun 7-də nümayiş etdirəcəklər.
Oxunub: 527
Oxşar xəbərlər
- Nazirlik ölkə üzrə reydlərə başladı - Qanunsuz satış edənlər cərimələndi
- Nazirlik əhaliyə müraciət etdi
- Nazirlik cəbhə ilə bağlı məlumat yaydı
- Nazirlik reyd keçirdi - Cərimələnənlər var
- Nazirlik əməkdaşının məhkəməsi başlayıb
- Nazirlik vətəndaşlara müraciət etdi
- Nazirlik vətəndaşın iddiasını əsassız adlandırdı
- Nazirlik cəbhədəki vəziyyətlə bağlı məlumat yaydı
- Nazirlik uşaq intiharlarının səbəblərini açıqlayıb
- Nazirlik 42800 manat cərimə yazdı