NATO Bakıda kurs təşkil edəcək
20:12 04 Aprel 2017
ADA Universitetində Azərbaycan Hökuməti və NATO-nun birgə təşkilatçılığı ilə Əfqanıstanın dövlət nümayəndələri üçün “Silahlı qüvvələr üzərində mülki nəzarət” mövzusunda pilot kurs təşkil edilir.
Xarici İşlər Nazirliyindən Femida.az-a verilən məlumata görə, kurs aprelin 4-8-də keçiriləcək. Kurs zamanı Əfqanıstanın Müdafiə, Xarici işlər, Daxili İşlər nazirliklərinin, Milli Təhlükəsizlik Departamentinin və Əfqanıstan Parlamentinin yüksək səviyyəli rəsmilərinə silahlı qüvvələr üzərində mülki nəzarət, onun önəmi, mövcud təhdidlər və onların qarşısının alınması, parlament və digər dövlət qurumlarının öhdəlikləri, milli təhlükəsizlik və kəşfiyyat xidmətinin, həmçinin vətəndaş cəmiyyəti və mətbuatın bu xüsusda rolu, mövzu üzrə ölkələrin, o cümlədən Azərbaycanın təcrübəsi barədə mühazirələr veriləcək. Bu pilot kursun ötən analoji tədbirlərdən fərqi mühazirələrin əksəriyyətinin Əfqanıstanın əvvəlki illərdə ölkəmizdə bu mövzuda keçirilmiş seminarlarda iştirak edib təcrübə qazanmış təlimçiləri tərəfindən təqdim edilməsi olacaq. Mühazirəçilər qismində NATO üzv ölkələri və Azərbaycanın aidiyyəti dövlət qurumlarının ekspertləri çıxış edəcək.
Bildirilir ki, 2014-cü ildən etibarən Azərbaycan və NATO tərəfindən Alyansın Müdafiə Təhsilinin Təkmilləşdirilməsi Proqramı çərçivəsində birgə təşkil edilən bu silsilə tədbirlər Əfqanıstanda idarəetmə təhsili və qurumlararası mübadilə sahələrinin inkişafı, eləcə də Əfqanıstan Müdafiə Nazirliyinin mülki islahatlar proqramı kontekstində bu ölkənin yüksək və orta səviyyəli nümayəndələrinin sözügedən sahədə təcrübə qazanmasına imkan yaratmaqla Azərbaycanın Əfqanıstana qeyri-hərbi sahədə töhfəsinin bir nümunəsi hesab edilə bilər.
Azərbaycan hazırda Əfqanıstanda NATO-nun rəhbərliyi altında həyata keçirilən Qətiyyətli Dəstək təlim, məsləhət və yardım əməliyyatında iştirak etməklə beynəlxalq sülh və təhlükəsizliyə töhfə verir. Həmçinin Azərbaycan ikitərəfli və çoxtərəfli formatlarda təhsil və təlim, infrastruktur və nəqliyyatın inkişafı, investisiyalar sahəsində və maliyyə yardımı vasitəsilə Əfqanıstanda həyata keçirilən islahatlara dəstək verir.
Femida.az
Oxunub: 705
Oxşar xəbərlər
- KİV: “Rusiya NATO ölkələrinə nüvə zərbəsi endirə bilər”
- Baş katib: “Rusiya ilə NATO arasında dağıdıcı müharibə ola bilər”
- Türkiyə İsveç və Finlandiyanın NATO-ya üzv qəbul edilməsinə razılıq verib
- KİV: Ərdoğan NATO sammitinə altı maddəlik dosye ilə gedəcək
- Azərbaycanın NATO-dakı nümayəndəsi geri çağırılıb
- NATO Baltik dənizi regionunda təlimlər keçirəcək
- NATO yeni strateji konsepsiyada Rusiyanın statusunu dəyişəcək
- İsveç NATO-ya üzvlük üçün müraciət etməklə bağlı qərar qəbul edib
- İsveç NATO-ya üzv olmaq barədə rəsmi qərar qəbul edib
- NATO: "Müharibənin həlledici mərhələsinə qədəm qoyuruq"