Bakıda bu qəbirlər kameralarla qorunur - VİDEO

22:48     06 Aprel 2017

Azərbaycanda qəbirlərə kameralar quraşdırılıb.

Femida.az xəbər verir ki, Səbail rayonunda yerləşən “Qurd qapısı” adlandırılan şəhər qəbiristanlığında bu tip məzarlara rast gəlmək mümkündür. Camaat arasında bura varlıların qəbiristanlığı da adlandırılır. Bu da səbəbsiz deyil. Çünki, qəbiristanlıqda məzarlar daha dəbdəbəli və bahalı materiallardan istifadə edilməklə hazırlanır.

Çəkiliş apardığımız müddətdə bəzi məzarlarda təhlükəsizlik kameralarının quraşdırıldığının şahidi olduq. Qəbiristanlıq işçiləri deyir ki, kameralar qəbir sahibləri tərəfindən quraşdırılır. Onlar bunu məzar daşlaların bahalı olması və qəbirlərin üzərinə qoyulan güllərin oğurlanması ilə izah edir.

Şəhər qəbiristanlığında heykəli qoyulmuş gəlin məzarından tutmuş, uşaq beşiyi formasında məzara, heykəllərə və günbəzlərə də rast gəlmək mümkündür. Qəbir daşlarının qiymətinə gəldikdə isə bir sadə qəbir daşı 3 min manatdan, 6 min manata qədər dəyişə bilir.

Qəbiristanlıqda bəzi məzarların sahibsizlikdən dağıldığını, bəzi yerlər isə indidən hasarlandığını da görmək olar.

Qəbiristanlıq işçilərinin sözlərinə görə, həmin hasarlanmış ərazilərin öz sahibi var, Bəzən belə yerlər bir neçə il əvvəl alınır və hasarlanır. Görünür, sağlığında özünə qəbir qazdıranlar ölülərinə qəbir qazdıranlardan daha çoxdur.

Femida.az qəbiristanlıqdan hazırlanmış sujeti təqdim edir:



Müxbir: Miri Məcidli
Oğuz Altay
Operator: Əhməd Xəlilov
Montaj: Bəxtiyar Məmmədov
Femida.az

Açar sözlər: Qəbir   Bahalı   Bakı    

Oxunub: 26209