Akif Çovdarovun əməlindən zərər çəkən şəxs öldü
18:44 17 Aprel 2017
Bir neçə gün əvvəl Bakıda baş vermiş yol-nəqliyyat hadisəsi zamanı yanaraq ölən şəxslərdən birinin ləğv olunmuş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin həbsdə olan sabiq rəisi, general-mayor Akif Çovdarovun və digərlərinin cinayət işində zərərçəkmiş kimi tanındığı müəyyənləşib.
Femida.az-ın APA-ya istinadən xəbər verir ki, hadisədə ölən Quliyev Gülağa Məhərrəm oğlu digər zərərçəkmiş Namiq Orucovun sürücüsü olub. Ötən iclasda ifadə verən G .Quliyev bildirib ki, 2015-ci ildə N. Orucovu İlham Qasımovun bacısı oğlunun toyuna aparıb. Orda dava düşdüyünü və saxlanıldığını deyən G. Quliyev daha sonra günahsız olduğu üçün buraxıldığını söyləyib.
Qeyd edək ki, yol-nəqliyyat hadisəsi aprelin 14-də Zığ-Aeroport yolunda baş verib. Bakı şəhər sakini Sadiq Edilov idarə etdiyi “Kia” markalı avtomobili qarşıda gedən paytaxt sakini Gülağa Quliyevin idarə etdiyi “VAZ-2104” markalı avtomobilə vurub və “VAZ” markalı avtomobildə yanğın baş verib. Nəticədə G. Quliyev və sərnişinləri, paytaxt sakinləri - Narif Sadıxovla qardaşı Elçin hadisə yerində ölüblər.
Hazırda faktla bağlı araşdırma aparılır.
Femida.az
Oxunub: 1599
Oxşar xəbərlər
- Akif Çovdarov: `Mən Eldar Mahmudovun üzünə durmamışam”
- Akif Çovdarov apellyasiya şikayəti verib
- Akif Çovdarova hökm oxunacaq - Vaxt açıqlandı
- Akif Çovdarova bəraət istəndi
- Akif Çovdarovun vəkili məhkəmədə çıxış edir
- Akif Çovdarovun vəkili məhkəmədən 1 ay vaxt istədi
- Akif Çovdarovun məhkəməsi gedir
- Akif Çovdarov məhkəmədə lətifə danışdı
- Akif Çovdarovun məhkəməsi olub
- Akif Çovdarov hazırda bu vəziyyətdədir – Ən yeni görüntüsü yayıldı