Uşaqlardan nümunəvi addım - Pişiklər üçün sığınacaq düzəltdilər

14:25 03 Avqust 2017

Bakının Yasamal rayonunda, "Kaktus" restoranının arxasında, məcburi köçkünlərin yaşadığı məhəllədə uşaqlar pişiklər üçün sığınacaq düzəldib.

Hər gün öz aralarında 10 qəpikdən pul yığan uşaqlar pişik yeməyi alaraq, onları yedizdirir. Sığınacağı Məzahir adlı 14 yaşlı uşaq düzəldib. O, yaxınlıqda yaşayan yaşlı bir qadının da hər gün pişiklər üçün yemək gətirdiyini söyləyib.

Qeyd edək ki, bir müddət öncə Bakıda iti yük maşınına bağlayaraq sürüyən gənclərin videosu yayılmış və onlar sosial şəbəkələrdə sərt şəkildə tənqid olunmuşdu.

Fotosunun çəkilməyini istəməyən 14 yaşlı oğlan isə heyvanlara göstərdiyi qayğı ilə hər kəsi sahibsiz heyvanlara kömək etməyə, onlara sevgi ilə yanaşmağa dəvət edib.

Qaynarinfoya istinadla sözügedən sığınacağın fotolarını təqdim edirik: