Atalığından hamilə qalan 12 yaşlı qızdan xəbər var
20:25 14 Sentyabr 2017
Balakəndə atalığı tərəfindən zorlanan 12 yaşlı qızın hamiləliyinin davam etdirilməsinə qərar verilib.
Bu barədə Femida.az -a Azərbaycan Uşaqlar Birliyinin sədri Kəmalə Ağazadə məlumat verib. O bildirib ki, uşağın saxlanılmasına qərar verilib. Çünki həm anaya, həm də körpəyə baxış keçirilib, hər ikisi müayinə edilib və qərara alınıb ki, hamiləlik davam etdirilsin:
“Heç bir patalogiya aşkarlanmayıb. Hazırda hər ikisi həkim nəzarəti altındadır. Növbəti həftələrdə yenidən müayinələr olacaq, sonra müvafiq qərarlar veriləcək”.
Qeyd edək ki, Balakən rayon Prokurorluğuna hadisə ilə bağlı məlumat avqustun 25-i daxil olub. Hazırda faktla bağlı cinayət işi başlanılıb və istintaq davam edir. Təqsirləndirilən şəxs uşağın anasının qeyri-rəsmi yaşadığı Şindiyev Elçin Qədir oğludur. Barəsində istintaq dövrü üçün 4 ay müddətinə həbs-qətimkan tədbiri seçilib.
Femida.az
Oxunub: 5844
