Neftin ucuzlaşması büdcəyə necə təsir edəcək?
14:48 03 Sentyabr 2015
"Gələn ilin dövlət büdcəsində neftin bir barelinin qiymətinin 50 dollar nəzərdə tutulması 2016-cı ildə kapital xərcləmələrinə qənaətin edilməsinə səbəb olacaq".
Femida.az-ın məlumatına görə, bunu İqtisadi və Sosial İnkişaf Mərkəzinin (İSİM) sədri Vüqar Bayramov deyib. Onun sözlərinə görə, Maliyyə Nazirliyi infrastruktur xərcləmələrinə qənaət tətbiq etməklə eyni zamanda gəlirlər və xərclər arasındakı balansı qorumağa çalışır.
Mütəxəssis hesab edir ki, infrastruktur xərclərinin azalmasına baxmayaraq sosial ayırmalarda hər hansı ixtisarlar olmayacaq: "Gələn ilki büdcədən 2015-ci ildə nəzərdə tutulan sosial ayırmaların həcmini qoruyub saxlamaq mümkün olacaq. Digər tərəfdən, büdcə gəlirlərində qeyri-neft sektorunun payının 35 faiz olması və sosial ayırmaların da həcmdə paya malikliyi bu istiqamətə ayrılan vəsaiti neftin dünya bazar qiymətində sığortalayır. O baxımdan, növbəti ilin büdcəsindəki sosial ayırmalar təmin olunmuş xərc maddəsidir".
İqtisaçı-alim güman edir ki, 2015-ci ilin növbəti aylarında da Maliyyə Nazirliyi sekvest tətbiq etməklə infrastruktur xərclərinə qənaət edəcək. Bütövlükdə, gələn il neftin qiymətinin bu il ilə müqayisədə 40 dollar aşağı götürülməsi qeyri-neft sektoruna diqqətin daha da artırılmasının gündəmə gətirib.
Oxunub: 759
Oxşar xəbərlər
- Neftin qiyməti 68 dolları ötdü - Son 2 ildə ilk dəfə
- Neftin qiyməti bahalaşıb
- Neftin qiyməti 63 dolları keçdi
- Neftin qiyməti düşdü
- Neftin qiyməti 64 dolları ötdü
- Neftin qiyməti psixoloji həddi aşıb
- Neftin qiyməti 58 dollara yaxınlaşır
- Neftin qiyməti bahalaşdı
- Neftin qiyməti 59 dolları ötüb
- Neftin qiyməti 53 dollara yaxınlaşır