Əsgərin konservasından at əti çıxdı
02:50 22 Dekabr 2017
Türkiyədə 4 ton qovurma at əti aşkar edilib.
Femida.az Haberler-ə istinadən xəbər verir ki, müdafiə naziri Nurettin Canikli Dəniz Qüvvələri Komandanlığının ehtiyacı üçün alınan qovurma konservalarının 4 min 50 kiloqramında at əti aşkar edildiyini açıqlayıb.
Canikli qovurmanın 8 min 950 kiloqramının problemsiz istehlak edildiyini, ancaq qalan 5 min 550 kiloqramı üçün müxtəlif zamanlarda qapağı açıldıqda qoxu gəldiyinin müəyyən edilməsi sonrası, istehsalçı firmadan konservaların dəyişdirilməsinin tələb edildiyini bildirib.
Canikli deyib ki, qoxu gələn qovurmaların seroloji analiz üçün Bursa Qida Müayinə Mərkəzinə göndərilib, aparılan analizlərdən sonra 4 min 50 kiloqram qovurmada at ətinin təsbit edildiyi üzə çıxıb.
Nazir firma ilə müqaviləyə xitam verildiyi və fəaliyyətinin dayandırılması istiqamətində işlərin getdiyini bildirib.
Oxunub: 1821
