Böyük Britaniya Azərbaycan xalqına başsağlığı verib

21:28 02 Mart 2018

Böyük Britaniyanın Azərbaycandakı səfirliyi Azərbaycan xalqına başsağlığı verib.

Səfirlikdən Femida.az-a verilən məlumata görə, Britaniya Bakı şəhərində yerləşən Respublika Narkoloji Mərkəzində bu səhər baş verən yanğında həyatlarını itirən şəxslərin ailələrinə başsağlığı verir:

"Dualarımız və diləklərimiz qurbanların ailələri və Azərbaycan xalqı ilə birlikdədir!", - səfirlikdən bildiriblər.

Qeyd edək ki, 2018-ci il martın 2-də saat 06:10-da Bakı şəhərinin Xətai rayonu ərazisində yerləşən Respublika Narkoloji Mərkəzinin birmərtəbəli korpusunda yanğın baş verib.

İlkin araşdırmaların nəticələrinə görə, yanğın binanın elektrik şəbəkəsində yaranmış nasazlıq səbəbindən baş verib.

Femida.az