Prezident bu şəxslərin də maaşını artırdı
22:21 03 Mart 2018
Prezident İlham Əliyev dövlət büdcəsindən maliyyələşən bir sıra təşkilatlarda çalışan işçilərin əməkhaqlarının artırılması haqqında sərəncam imzalayıb.
Sərəncama əsasən Azərbaycan Milli Elmlər Akademiyasının Rəyasət Heyəti və aparatı, Gəncə bölməsinin aparatı, Heydər Əliyev Mərkəzi, Prezident yanında Strateji Araşdırmalar Mərkəzi, “Azərbaycan Milli Ensiklopediyası” Elmi Mərkəzi, Azərbaycanda Atatürk Mərkəzi, Azərbaycan Respublikasının dövlət arxivləri və onların filialları, rayon (şəhər) dövlət arxivləri, Əsir və İtkin Düşmüş, Girov Götürülmüş Vətəndaşlarla Əlaqədar Dövlət Komissiyasının İşçi Qrupu, Azərbaycan Respublikasının Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupu, Mədəniyyət və Turizm Nazirliyinin Dövlət Film Fondu, Prezident yanında Elmin İnkişafı Fondu, Prezident yanında Kütləvi İnformasiya Vasitələrinin İnkişafına Dövlət Dəstəyi Fondu, Prezident yanında Qeyri-Hökumət Təşkilatlarına Dövlət Dəstəyi Şurasının Katibliyi, Prezident yanında Gənclər Fondu, Prezident yanında Bilik Fondu və Bakı Beynəlxalq Multikulturalizm Mərkəzində çalışan rəhbər və digər işçilərin aylıq vəzifə maaşları 2018-ci il martın 1-dən orta hesabla 10 faiz artırılır.
Dövlət başçısının digər sərəncamları ilə mənzil-kommunal, nəqliyyat və rabitə sahələrində, mədəniyyət, gənclər və idman müəssisələrində, Kənd təsərrüfatı, ekologiya və ətraf mühitin mühafizəsi sahələrində, meliorasiya, su təsərrüfatı və balıqartırma sahələrində çalışan işçilərin də əməkhaqları 2018-ci il martın 1-dən orta hesabla 10 faiz artırılır.
Femida.az
Oxunub: 1450
Oxşar xəbərlər
- “Sosial rifah dövlətinin qurulması Prezidentin yeni islahatlar kursunun strateji xəttini təşkil edir” - PA-nın şöbə müdiri
- Prezident və xanımı Azərbaycan xalqını təbrik etdi
- İlham Əliyev “Diqlas”dakı yanğınla bağlı müşavirə keçirdi - FOTOLAR
- Prezident Ümumdünya Gömrük Təşkilatının baş katibi ilə görüşüb - Yenilənib
- Prezident İlham Əliyev Con Boltonu qəbul edib
- “Azərbaycan müdafiə qabiliyyətinin artırılmasına xüsusi önəm verir” - İlham Əliyev
- Zakir Həsənov və müavinlərinə orden verildi - SİYAHI
- İsrail prezidenti İlham Əliyevə məktub göndərdi
- “Mövqeyimizdən bir addım geri dönməyəcəyik” - İlham Əliyev
- Prezidentin əfv etdiyi əcnəbilər kimlərdir? - SİYAHI