Nisyə pomidor davası ölümlə nəticələndi - Göyçayda
18:37 30 May 2018
Göyçay rayonunda ticarətlə məşğul olan şəxslər arasında dava ölümlə nəticələnib.
Femida.az APA-ya istinadən xəbər verir ki, rayonun Ləkçiplaq kənd sakini, 1970-ci il təvəllüdlü Məmmədov Cümşüd Məhəmməd oğlu bu gün saat 13:00 radələrində kənd qəbiristanlığının yaxınlığında hələlik şəxsiyyəti məlum olmayan iki nəfərlə mübahisə edib.
Mübahisə sonradan davaya çevrilib. Dava zamanı həmin şəxslərdən biri Cümşüd Məmmədovu yumruqla vuraraq itələyib.
Yerə yıxılan C. Məmmədov dünyasını dəyişib.
Onun isti havada əsəb gərginliyi keçirdiyi və ürəktutmasından öldüyü ehtimal edilir.
Digər şəxslər qara rəngli “QAZ 24” markalı minik maşını ilə hadisə yerindən qaçıblar.
Kənd sakinlərinin sözlərinə görə, Lənkəran sakinləri olduğu ehtimal edilən həmin şəxslər Ləkçiplaq kənd sakinlərindən pomidor alırmışlar.
Cümşüd Məmmədov həm öz həyətindəki pomidoru, həm də qohumların məhsulunu həmin şəxslərə nisyə verib, lakin pulunu ala bilməyib. Onların arasında mübahisə də bu səbəbdən baş verib. Hazırda rayonun hüquq-mühafizə orqanlarının əməkdaşları hadisə yerindədir. Polis əməkdaşları hadisəni törədən şəxslərin tapılması üçün əməliyyat-axtarış tədbirləri həyata keçirirlər.
Faktla bağlı Göyçay rayon Prokurorluğu tərəfindən araşdırma aparılır.
Femida.az
Oxunub: 6904
Oxşar xəbərlər
- Mingəçevir evdə qadın meyiti tapılıb
- Nazirlik nümayəndəsi: “İndiyədək Xocavənddə 25 nəfərin meyitinin qalıqları aşkarlanıb”
- Bu sayda erməni meyiti Azərbaycandadır
- Qusarda meyiti tapılan qadının əri tərəfindən döyülərək öldürüldüyü məlum olub
- Bakıda mağaza müdirinin iş yerində meyiti tapılıb
- Azərbaycanda meyit donorun anonimliyini qorumayanlar cərimələnəcək
- Ukraynanın Kiyev vilayətində 1 348 mülki şəxsin meyiti aşkarlanıb
- Xəzər dənizində batan gəncin meyiti tapılıb
- Taxtakörpü-Ceyranbatan su kanalında batan gəncin meyiti tapılıb
- Qazaxda 4 gün əvvəl Kürdə batan yeniyetmənin meyiti tapılıb