“ASAN Viza”da 100 yaşlı müraciətçi
21:55 07 Sentyabr 2018
7 sentyabr 2018-ci il tarixində Heydər Əliyev Beynəlxalq Hava Limanında “ASAN Viza”ya müraciət edən ən yaşlı şəxs qeydə alınıb.
“ASAN Xidmət”dən Femida.az -a verilən xəbərə görə, o, 1918-ci il təvəllüdlü Bolqarıstan əsilli İsrail vətəndaşı Danon Yaakovdur. “ASAN Viza” sistemi vasitəsilə əcnəbi və vətəndaşlığı olmayan şəxslər üçün elektron vizaların rəsmiləşdirilməsi xidmətinə müraciət edən Yaakov ölkəmizə turist kimi gəlib.
Hazırda Bakı, Gəncə, Qəbələ və Lənkəran beynəlxalq hava limanlarında “ASAN Viza” sistemi vasitəsilə əcnəbi və vətəndaşlığı olmayan şəxslər üçün elektron vizaların rəsmiləşdirilməsi təmin edilir. Hava limanlarında əməkdaşlar ölkəmizə səfər edən əcnəbi və vətəndaşlığı olmayan şəxslərə azərbaycan, ingilis, fransız, ispan, alman, türk, hind, ərəb, fars, ibri, urdu, norveç və rus dillərində xidmət göstərirlər.
“ASAN Viza” özünəxidmət terminalları vasitəsilə hava limanında əcnəbilərə vizaların verilməsinə 2018-ci il mayın 15-dən etibarən başlanılıb. Bu günə kimi 583 544-ü “ASAN Viza” portalı vasitəsi ilə, 170 276 -sı hava limanlarında olmaqla, ümumilikdə 753 820 viza verilib.
Oxunub: 504
Oxşar xəbərlər
- COVID-19 pasportunun yoxlanılması üçün “ASAN İcazə” mobil tətbiqi hazırlanıb
- Prezident 6 saylı Bakı “ASAN xidmət” mərkəzinin açılışını edib
- Ağcabədi “ASAN Həyat” kompleksinin 1 ili - FOTOLAR
- Mayın 28-də “ASAN xidmət” işləməyəcək
- “ASAN ödəniş” sistemi haqqında Əsasnamə dəyişdi
- “ASAN xidmət” mərkəzlərində iş başladı
- Prezident Naxçıvanda “ASAN xidmət” binasının tikintisi ilə tanış olub
- Naxçıvanda “ASAN xidmət”ə direktor təyin edildi
- Türkdilli Dövlətlərin yüksək vəzifəli nümayəndələri “ASAN xidmət”də
- İraq Parlamentinin nümayəndə heyəti “ASAN xidmət”də