Ceyhun Hacıbəylinin gəlini və nəvəsi Azərbaycan dilində iki söz bilir: "Salam", "Xudahafiz"
17:20 05 Dekabr 2018
Azərbaycanın müstəqil dövlət kimi tanınmasında böyük xidmətləri olmuş şəxsiyyətlərdən biri Ceyhun Hacıbəylinin Parisdə yaşayan varisləri - oğlu Timurçinin həyat yoldaşı Paskal Hacıbəyli Buşe və oğlu Benjamin Hacıbəyli Bakıya gəliblər. Onlar Şəhidlər Xiyabanını ziyarət edib, daha sonra şəhər gəzintisinə çıxıblar.
Femida.az Hacıbəylinin varislərinin müsahibəsini Azvision.az-a istinadla təqdim edir.
- Bildiyimizə görə, artıq Azərbaycana 3-cü səfərinizdir. Bakı ilə bağlı təəssüratlarınız necədir?
Benjamin: Şəhər möhtəşəmdir. Bakı çox müasirdir. Son illərdə baş vermiş dəyişikliklər heyrətamizdir.
Paskal: İlk dəfə gəldiyimizdə də şəhər çox gözəl idi. Lakin indi daha möhtəşəm olub.
- Ziyalı, vətənpərvər bir ailənin üzvüsünüz. Bu fakt həyatınıza necə təsir edib?
- Paskal: İlk növbədə bu fakt bizə Azərbaycanı tanımaq imkanı verib. Və indi də bu görkəmli şəxslərin həm siyasi, həm digər sahələrdəki fəaliyyətlərini insanlara çatdırmaq öhdəliyini daşıyırıq. Həmçinin nəhəng insan, maestro Niyazinin və Zülfüqar Hacıbəylinin adını çəkə bilərəm. Bu, həqiqətən görkəmli ailədir.
- Azərbaycan dilində bildiyiniz sözlər varmı?
PasKal: Salam. Allah şəfa versin. Ancaq bunlar.
Benjamin: Xudahafiz
Paskal: Bəli, Azərbaycanın çox maraqlı mədəniyyəti var. Çünki şərqli olmasına baxmayaraq, həmçinin müasirdir və Qərbə yaxındır.
- Fransa və Azərbaycan arasında hansı fərqlər var?
Paskal: Fərqlər çoxdur. İlk növbədə düşüncə tərzində olan fərqi deyə bilərəm. Lakin ola bilsin ki, güclü mədəniyyət və daha dəqiq desək, gələcəkdə ölkənin inkişafına və qorunmasına töhfə vermiş, daha sonradan dünyada tanınmış görkəmli şəxslərin xatirəsini qorumaq hər iki tərəfi yaxınlaşdıran amillərdir.
Benjamin: Anamın dedikləri ilə razıyam. Fransa mədəniyyət ölkəsidir. Buna çox dəyər verilir. Burada inşa edilən müxtəlif muzeyləri və digər mədəniyyət nümunələrini gördükdə ortaq bir şeylərə sahib olduğumuzu görürük.
Paskal: Sadəcə demək istəyirəm ki, memarlıq ənənələrini qoruyaraq şəhəri müasirləşdirmək çox vacibdir. Bizi maraqlandıran məhz bu fərqlərdir.
- Ceyhun Hacıbəyli patriot idi. Siz Fransada Azərbaycan üçün nə edirsiniz?
- Paskal: Fransada ölkənin tanıdılmasında rolu olan diaspor ilə əlaqəmizi saxlamağa çalışırıq. Fransada “Ulduz”, Azərbaycan-Fransa Dialoq Assosiasiyası kimi müxtəlif assosiasiyalar, həmçinin səfirlik tərəfindən müxtəlif tədbirlər həyata keçirilir. Bu kimi tədbirləri davam etdirməyin lazım olduğunu düşünürəm.
Femida.az
Oxunub: 744
Oxşar xəbərlər
- İlham Əliyev və birinci xanım Üzeyir Hacıbəylinin heykəlinin açılışında iştirak ediblər
- Şuşada Üzeyir Hacıbəylinin heykəli ucaldılacaq - VİDEO
- Üzeyir Hacıbəyli, Bülbül və Natəvanın heykəlləri Şuşaya qaytarıldı - FOTO
- Üzeyir Hacıbəylinin həyatı haqqında ingilis dilində video çarx
- Musiqimizin Məcnunu — Üzeyir Hacıbəylinin doğum günüdür (VİDEO)
- Gültəkin Hacıbəylinin "Lexus" və "Toyota Avalon" maşınlarına, mənzilinə həbs qoyuldu
- Ceyhun Hacıbəylinin nəvələrinə də medal verildi
- Keçmiş qayınanası: “Gültəkin üçün müqəddəs heç nə yoxdur – nə Vətən, nə ailə!”
- Keçmiş qayınanası Gültəkin Hacıbəylidən 50 min dollar tələb edir - MƏHKƏMƏ İŞİ
- Ermənilər Üzeyir Hacıbəylinin mahnısını oğurlayıblar