`Şəhid verməmişik` - Nazirlik məlumat yaydı
01:32 22 Oktyabr 2016
Azərbaycan Müdafiə Nazirliyi sosial şəbəkələrdə yayılan xəbərlərə münasibət bildirib.
Müdafiə Nazirliyinin mətbuat xidmətindən Femida.az-a bildirilib ki, hərbi qulluqçumuzun kəşfiyyat-diversiya nəticəsində şəhid olması barədə sosial şəbəkələrdə yayılan xəbərlər həqiqəti əks etdirmir.
“Bir daha bildiririk ki, bölmələrimiz kəşfiyyat-diversiya fəaliyyəti həyata keçirməyib və şəhid verməyib. Təəssüflə qeyd edirik ki, Azərbaycan-Ermənistan dövlət sərhədinin Tovuz rayonu istiqamətində yerləşən hərbi hissələrdən birində Silahlı Qüvvələrimizin hərbi qulluqçusu əsgər Həşimov Yusif Yunis oğlu oktyabrın 20-də səhər saatlarında qeyri-döyüş şəraitində həlak olub”, məlumatda qeyd olunur.
Müdafiə Nazirliyi bildirir ki, hadisə ilə bağlı Hərbi Prokurorluq tərəfindən cinayət işi başlanıb və ölüm faktının baş verməsi səbəbləri araşdırılır: “Bir daha xatırladaq ki, ordumuzla bağlı həqiqətə uyğun olmayan məlumatların dəqiqləşdirilmədən sosial şəbəkələr vasitəsilə yayılması bilavasitə düşmənin maraqlarına xidmət edir”.
Oxunub: 2086
Oxşar xəbərlər
- `Şəhidlərimizin qisası mütləq alınacaq` - Hərbi ekspert
- `Şəhidin nəşinin qaytarılmasını diqqətdə saxlayırıq` - BQXK
- `Şəhid məzarlarından bayraq asılsın!`- Aqil Abbasdan təklif
- `Şəhid analarını görmədinizmi?`- Jurnalistdən icra başçısına açıq məktub
- `Şəhid atası təhqir olunmayıb` - İcra Hakimiyyəti
- `Şəhidlər məscidi` istifadəyə veriləcək