Əsgərlərə 3 ton sarımsaq hədiyyə olundu
17:42 05 Fevral 2019
Naxçıvanda sahibkarlar tərəfindən ümumilikdə 5500 kq kənd təsərrüfatı məhsulu əsgərlərə təqdim edilib.
Əlahiddə Ümumqoşun Ordunun mətbuat xidmətindən Femida.az-a verilən məlumata görə, Şərur rayonunun Aralıq kənd sakini Əmir Əsədov, Məmmədsabir kənd sakini Əli Rüstəmov və “N” hərbi hissəsinin giziri Sərvan Məmmədov tərəfindən 3 ton sarımsaq, 1700 kq turp və 800 kq kartof olmaqla ümumilikdə 5500 kq kənd təsərrüfatı məhsulu hərbi hissə və sərhəd zastavasına hədiyyə edilib.
Əlahiddə Ümumqoşun Ordunun hərbi hissəsində və “Naxçıvan” Əlahiddə Sərhəd Diviziyasının zastavasında şəxsi heyətlə görüş zamanı dövlət qayğısından və xalq-ordu birliyindən danışılıb. Sonda gətirilmiş sovqat hərbi hissə və zastavanın anbarlarına təhvil verilib.
Femida.az
Oxunub: 414
