Valyuta dəyişən kişinin meyiti tapıldı (FOTO)
15:07 23 Oktyabr 2015
Bu il oktyabrın 17-də itkin düşən Ağcabədi rayon sakini İsmayılov Valeh Qanboy oğlunun meyiti Qarabağ kanalının İmişli rayonu ərazisindən keçən hissəsində tapılıb.
Femida.az-ın xəbərinə görə, meyit müayinə olunub və üzərində heç bir zorakılıq əlaməti aşkarlanmayıb. V. İsmayılovun meyiti ailəsinə təhvil verilib.
Qeyd edək ki, Ağcabədidə “Kolxoz bazarı” adlanan yerdə xarici valyutanın alqı-satqısı ilə məşğul olan 1956-cı il təvəllüdlü V. İsmayılov oktyabrın 17-də saat 07:40 radələrində evdən çıxıb və geri qayıtmayıb. Eyni zamanda xarici valyutanın alqı-satqısı ilə məşğul olan Vüqar Hümbətovun da yoxa çıxması faktı qeydə alınmışdı.
Bununla bağlı Ağcabədi Rayon Polis Şöbəsi tərəfindən axtarış elan olunub.
Oxunub: 1457