Sürücülər üçün təlim dərsləri keçiriləcək
19:24 14 Fevral 2019
Nəqliyyat, Rabitə və Yüksək Texnologiyalar Nazirliyi yanında Dövlət Avtomobil Nəqliyyatı Xidmətinə (DANX) məxsus Azərbaycanın ilk “Nəqliyyat Təlim-Tədris Mərkəzi” MMC sürücülərin peşəkarlığının, bilik və bacarıqlarının artırılması üçün ekstremal şəraitdə sürmə təlimi dərslərinin təşkilinə başlayıb.
DANX-dan Femida.az -a verilən məlumata görə, təlimə dair layihənin açılış mərasimində beynəlxalq təcrübə mübadiləsi çərçivəsində Türkiyə Sürmə Akademiyasının icraçı direktoru, qabaqcıl mütəxəssis, fəxri nəqliyyat müfəttişi Çətin Böyükçınar və akademiyanın peşəkar təlimçiləri iştirak edib.
“Nəqliyyat Təlim-Tədris Mərkəzi” MMC-nin direktoru Aydın Ağayev mərkəzdə Beynəlxalq Nəqliyyat Forumunun Keyfiyyət Xartiyasından irəli gələn tələblər əsasında müxtəlif layihələrin, peşəkar heyətin iştirakı ilə təlimlərin daha da genişləndiriləcəyindən danışıb.
Ç.Böyükçınar isə bildirib ki, sürmə texnikasına mükəmməl yiyələnmək, ən ekstremal şəraitlərdə sükanı idarəetmə vərdişlərinin formalaşdırılması sürücünü də, digər yol iştirakçılarını da qəzalardan maksimum qorumağa xidmət edir. Xüsusilə ictimai nəqliyyatı idarə edən sürücülərin ekstremal vəziyyətlərə hakim olması sərnişin həyatı üçün çox önəmlidir.
Dərslərə 19 yaşdan yuxarı sürücülər dəvət edilir. Mərkəzdə sürmə təlimi driftket avadanlığı qoşulmuş avtonəqliyyat vasitələri ilə “Ekstremal şəraitdə sürmə təliminin keçirilməsinə dair hazırlığın plan və proqramı” əsasında nəzəri və praktik dərsləri əhatə edəcək. Müvafiq proqram üzrə kursu bitirən müdavimlərə sertifikatlar təqdim olunacaq.
Oxunub: 607
Oxşar xəbərlər
- Yol polisi sürücülərə çağırış edib
- DYP sürücülərə müraciət edib
- Səhiyyə Nazirliyi yuxu və qida rejimi ilə bağlı sürücülərə müraciət edib
- Bakıda toy kortecində avtoxuliqanlıq edən sürücülər saxlanılıb
- NİİM “Formula 1" ilə bağlı sürücülərə müraciət edib
- DYP rayonlardan paytaxta ərzaq daşıyan sürücülərə müraciət edib
- Azərbaycanda daha çox qəza törətmiş sürücülərin icbari avtomobil sığortası artırıla bilər
- Sürücülərə vacib xəbər - 40 manat cərimə oluna bilərsiniz - VİDEO
- DYP Bakı-Quba yolundan istifadə edən sürücülərə müraciət edib
- Xızıda sürücülərə qarşı soyğunçuluq edən şəxs saxlanılıb