Nazir Suriya ermənilərinin Qarabağa köçürülməsindən danışıb
11:09 05 Mart 2019
"Ermənilər Azərbaycanın işğal olunmuş ərazilərinin demoqrafik fonunu süni şəkildə dəyişirlər. Məsələn, Ermənistan hökumətinin özü Suriya ermənilərinin köçürülməsini elan edib və bu, elə Ermənistanın özünün də təsdiq etdiyi bir sıra beynəlxalq konvensiyaların pozulması deməkdir".
Femida.az xəbər verir ki, bunu Azərbaycanın xarici işlər naziri Elmar Məmmədyarov Bakıda keçirilən "Hərbi işğal altında olan ərazilərdə iqtisadi və digər fəaliyyətlərin qeyri-qanuniliyi, üçüncü tərəflərin öhdəlikləri və münaqişənin həllinə təsirlərinə dair" beynəlxalq konfransın açılışında deyib.
O bildirib: "Həmçinin öyrənmişik ki, Ermənistanın işğal etdiyi Azərbaycanın bəzi bölgələrində bir sıra tanınmış xarici şirkətlər, məsələn, İsveçrənin saat hazırlanması üzrə ixtisaslaşan "Frank Muller" şirkəti qeyri-qanuni fəaliyyət göstərir. Onlar orada hətta zavod da tikiblər. Bu barədə isveçrəli tərəfdaşlarımızla danışdıq və orada bir sıra şirkətlərin qeyri-qanuni fəaliyyətinin dayandırılmasına nail olduq. Hesab edirik ki, hamısına qarşı belə olmalıdır. Dövlətlər öz şirkətlərinin beynəlxalq hüquq normalarını pozmasına imkan verməməlidir".
XİN başçısı beynəlxalq əməkdaşlıq qaydalarına, hüquqa riayət edilməyəcəyi təqdirdə heç nəyə nail olunmayacağını söyləyib.
Femida.az
Oxunub: 363
Oxşar xəbərlər
- Nazir Cavid Məmmədovu bu rayona rəis təyin etdi
- Nazirlik ölkədən çıxışına qadağa qoyulan teatr direktoru ilə bağlı araşdırma aparır
- Nazirlik “Buta” klinikasının fəaliyyətini dayandırıb
- Nazirlik bəstəkar-müğənninin bağ evində aşkarlanan ayı balası ilə bağlı məlumat yayıb
- Nazir regional təhsil idarələrinə yeni rəhbərlər təyin edib
- Nazir məktəbli çantalarının ağır olması ilə bağlı narazılıqlara münasibət bildirib
- Nazir Vətən Müharibəsi Qəhrəmanını hərbi hissə komandiri təyin edib
- Nazirlik rayon təhsil şöbələrinin gələcək fəaliyyətinə aydınlıq gətirib
- Nazirlər kabinetinin qərarı qüvvəyə mindi: Bu məhsullar bahalaşacaq
- Nazir Kəmaləddin Heydərov partlayış baş vermiş obyektə gəlib