Azərbaycan və İtaliya birgə reaktiv təyyarələr istehsal edəcək
19:56 04 İyun 2019
Müdafiə Sənayesi nazirinin müavini Yəhya Musayev iyunun 4-də İtaliyanın aparıcı müdafiə sənayesi şirkətlərindən olan “Leonardo”nun baş direktoru Lorenzo Marianinin rəhbərlik etdiyi nümayəndə heyətini qəbul edib.
Nazirlikdən Femida.az-a verilən məlumata görə, Y.Musayev Azərbaycan ilə İtaliya arasındakı ikitərəfli münasibətlərin yüksək səviyyədə olmasını məmnunluqla ifadə edib.
Nazir müavini Müdafiə Sənayesi Nazirliyinin fəaliyyət istiqamətlərindən və sahə üzrə əldə olunan uğurlardan danışıb.
O, “Leonardo” şirkətinin ötən il Bakıda keçirilən “ADEX-2018” sərgisində iştirakından məmnun olduğunu bildirib.
Görüşdə Müdafiə Sənayesi Nazirliyi ilə “Leonardo” şirkəti arasında hərbi-texniki sahədə birgə layihələrin həyata keçirilməsinə dair danışıqlar aparılıb. “Leonardo” şirkətinin məhsulu olan reaktiv təlim-məşq təyyarələrinin istehsalı və texniki xidmətlərin göstərilməsi ilə bağlı birgə layihələrin icrası ətrafında geniş fikir mübadiləsi aparılıb. Bu istiqamətdə hər iki tərəfin ekspertləri tərəfindən danışıqların davam etdirilməsinə dair razılıq əldə olunub.
Nümayəndə heyətinin rəhbəri Lorenzo Mariani səmimi qəbula görə təşəkkürünü bildirib. O qeyd edib ki, “Leonardo” şirkəti Müdafiə Sənayesi Nazirliyi ilə əməkdaşlığını İtaliya - Azərbaycan münasibətlərinə uyğun davam etdirmək və bu istiqamətdə öz töhfəsini vermək niyyətindədir.
Görüşdən sonra nümayəndə heyəti Müdafiə Sənayesi Nazirliyinin “İqlim” Elmi İstehsalat Müəssisəsində olub.
Qeyd edək ki, “Leonardo” şirkəti müdafiə və təhlükəsizlik sahəsində müxtəlif çeşiddə məhsulların yaradılması və istehsalı üzrə tanınan şirkətlərdəndir.
Femida.az
Oxunub: 533
Oxşar xəbərlər
- Azərbaycanın Baş prokurorunun İtaliyaya işgüzar səfəri başlayıb
- İtaliya Ukraynaya ən son texnologiya ilə hərbi yardım göndərir
- İtaliya Azərbaycanla qaz tədarükünün artırılmasını müzakirə edib
- Prezident İtaliyanın xarici işlər və beynəlxalq əməkdaşlıq nazirini qəbul edib
- DTX rəisi İtaliyanın Maliyyə Qvardiyasının baş komandanı ilə görüşüb
- Azərbaycanla İtaliya arasında hərbi əməkdaşlıq məsələləri müzakirə olunub
- İtaliya səfirliyi Azərbaycanı təbrik edib
- İtaliyaya səfər etmək istəyənlərin nəzərinə
- İtaliya Azərbaycanın adını "D" siyahısına daxil edib
- İtaliyada alma boyda dolu düşdü