Qubadlısız 26 il...
09:27 31 Avqust 2019
Azərbaycanın Qubadlı rayonunun Ermənistan silahlı qüvvələri tərəfindən işğal olunmasından 26 il ötür.
Femida.az xəbər verir ki, Qubadlı rayonu erməni işğalçıları tərəfindən 31 avqust 1993-cü ildə zəbt olunub. Rayonun müdafiəsi zamanı 283 könüllü qəhrəmancasına həlak olub, onların yeddisi Azərbaycanın Milli Qəhrəmanı adına layiq görülüb.
Qubadlı rayonunun 35 mindən çox əhalisi respublikanın 42 rayonunda məcburi köçkün həyatı yaşayır.
Qubadlı rayonu inzibati vahid kimi 1933-cü ildə yaradılıb. Rayon ərazisində müxtəlif növ ağaclardan ibarət 13 160 hektar dövlət meşə fondu mövcud idi. Qubadlıda yaşı 150-1600 illər arasında olan nadir növlərdən ibarət 10-dan artıq iri diametrli ağac təbiət abidəsi kimi qorunurdu. Dəniz səviyyəsindən 1600 metr yüksəklikdə yerləşən və sahəsi 20 min hektar olan, zəngin flora və faunaya malik Qubadlı Dövlət Təbiət Yasaqlığında nəsli kəsilməkdə olan bir çox heyvan və quş növləri mühafizə olunurdu.
Qubadlı rayonunun ərazisində ehtiyatları 6247 min kubmetr və mişar daşı üçün yararlı, istismara cəlb olunmuş Hacılı tuf, ehtiyatları 990 min kubmetr olan tikintiyə yararlı Xanlıq kəndində yerləşən gil, ehtiyatları 1,1 min ton olan Eyvazlı bəzək-əlvan (əqiq) və Həkəri çayı sahilində ehtiyatları 84 min kubmetr/gün olan yeraltı şirin su yataqları var idi.
Erməni işğalçıları tərəfindən rayon ərazisində geniş sahələri əhatə edən qiymətli ağac növlərindən ibarət meşələr, böyük ehtiyata malik yeraltı sərvətlər, mineral maddələrlə zəngin su mənbələri istismar olunub, özünün qeyri-adi flora və faunası ilə seçilən əsrarəngiz təbiət guşələri dağıdılıb və məhv edilib.
Femida.az
Oxunub: 2534
Oxşar xəbərlər
- Qubadlı şəhərinin Baş Planını İsveçrə şirkəti hazırlayacaq
- Ermənistan ordusunun qalıqları Qubadlıdan 20 kilometr geriyə yazılı əmr əsasında çəkilib
- Qubadlıdakı hərbi hissə yeni PUA-larla təchiz edilib
- Qubadlı rayonunun əhalisinin sayı açıqlanıb
- İlham Əliyev və Mehriban Əliyeva Qubadlı ictimaiyyətinin nümayəndələrilə görüşüblər
- Qubadlıda DSX-nin yeni hərbi hissə kompleksi açılıb - FOTOLAR
- “Qubadlı” yarımstansiyasının açılışı olub - FOTO
- Xanlıq-Qubadlı yolunun təməli qoyulub - FOTO
- Qubadlının Baş planının hazırlanmasına 500 min manat ayrılıb
- "Qubadlıdan sonra biz zəfər yürüşümüzü şərəflə davam etdirdik" - Ali Baş Komandan