Hakimliyə namizədlərin test imtahanının vaxtı açıqlandı

13:43     10 Sentyabr 2019

Hakimliyə namizədlərlə test imtahanı sentyabr ayının 15-də Dövlət İmtahan Mərkəzinin binasında (Bakı şəhəri, Nəsimi rayonu, Abdulvahab Salamzadə küçəsi 28) keçiriləcək.

Hakimlərin Seçki Komitəsindən Femida.az-a verilən məlumata görə, imtahanda sentyabr ayının 12-dək sənədlərini Hakimlərin Seçki Komitəsinə təqdim etmiş namizədlər iştirak edəcək.

Həmin hakimliyə namizədlər tərəfindən "İmtahana buraxılış vərəqəsi" Hakimlərin Seçki Komitəsindən sentyabr 13-ü tarixdən, şəxsiyyət vəsiqəsini təqdim etməklə alınmalıdır.

Məlumatda qeyd olunur ki, imtahan binasına saat 09:00-dan gec olmayaraq gəlmək lazımdır. İmtahana gələrkən namizədlər şəxsiyyət vəsiqəsini və «İmtahana buraxılış vərəqəsi»ni mütləq təqdim etməlidirlər. Əks təqdirdə namizəd imtahana buraxılmayacaq.

Femida.az

Açar sözlər:

Oxunub: 547