Fədayə Laçın azadlığa çıxır - Vəkili AÇIQLADI
12:09 28 Oktyabr 2019
Bakıda məhbusların qaçmasına yardım etdiyinə görə həbs edilən müğənni Fədayə Laçın sabah azadlığa çıxacaq.
Femida.az xəbər verir ki, bu barədə "Report"a F.Laçının vəkili Nurəngiz Qarayeva məlumat verib.
Onun sözlərinə görə, müğənni oktyabrın 29-da səhər saatlarında 1 saylı Bakı İstintaq Təcridxanasından azadlığa buraxılacaq.
2017-ci ilin oktyabrın 30-da həbs edilən Fədayə Laçının cəzası Bakı Apellyasiya Məhkəməsinin qərarı ilə 2 ilə endirilib.
Məhkəmənin senbtyabrın 30-da verdiyi qərara əsasən, Konvoy Taborunun komandiri Bəhruz Abdullayevin cəzası 3 ilə endirilib və cəzasının qalanını məntəqə tipli cəzaçəıkmə müəssisəsində çəkəcək. Təqsirləndirilən Fuad Hacıyevin cəzası 4 ilə, Günay Atakişiyevanın cəzası 5 ilə endirilib.
Təqsirləndirilən Məhəmməd Hacıyevın, İsrafıl Soltanovun, Tərlan Zeynalovun, Anar Əsgərovun cəzaları 4 ilə endirilib. Aqil Nəcəfovun cəzası 8 ilə, Ceyhun Səmədovun cəzası 8 il 6 aya, Tural Poladxanovun cəzası isə 8 il 3 aya qədər azaldılıb.
Xatırladaq ki, 2017-ci il oktyabrın 23-də Bakıda məhbusların qaçması ilə bağlı cinayət işi üzrə Bakı Ağır Cinayətlər Məhkəməsinin hökmü ilə müğənni Fədayə Laçın 5 il, Penitensiar xidmətin tabor komandiri Bəhruz Abdullayev 9 il, qarovul rəisi Ceyhun Səmədov 9 il, müavinləri - Tural Poladxanov 8 il 6 ay, Fuad Hacıyev 8 il 6 ay, taksi sürücüsü Məhəmməd Hacıyev 7 il, Günay Atakişiyeva 6 il, Aqil Nəcəfov 9 il, İsrafil Soltanov 7 il, Şahmar Bəyəlizadə 7 il, Tərlan Zeynalov 7 il, Anar Əsgərov 7 il və Əli Ağami (cəzaları birləşdirilib) 20 il müddətinə azadlıqdan məhrum edilib.
Hökmə əsasən, B.Abdullayevin ittiham olunduğu Cinayət Məcəlləsinin 179-cu (mənimsəmə) maddəsinə bəraət verilib və 311-ci (rüşvətalma) maddəsi isə ittihamdan xaric olunub.
Femida.az
Oxunub: 569
Oxşar xəbərlər
- Fədayə Laçın həbsxanada başına gələnlərdən danışır (VİDEO)
- Fədayə Laçının azadlıqda ilk - FOTOSU
- Fədayə Laçın azadlığa buraxılıb
- Fədayə Laçının azadlığa çıxacağı dəqiq tarix bəlli oldu
- Fədayə Laçın azadlığa çıxmağa hazırlaşır
- Fədayə Laçın DANIŞDI: “Tezliklə azadlığa çıxıb, sənətimlə məşğul olacağam”
- SON DƏQİQƏ! Məhkəmə Fədayə Laçınla bağlı qərar verdi
- Fədayə Laçının yeni görüntüləri yayılıb (VİDEO)
- Vəkil: "Fədayə Laçın Hepatit C xəstəsidir"
- Fədayə Laçın 12-ci dəfə də məhkəməyə gətirilmədi