Sabahdan Azərbaycanda bir həftəlik tətil başlayır
09:36 30 Dekabr 2019
Sabahdan Azərbaycanda Dünya Azərbaycanlılarının Həmrəyliyi Günü və Yeni il bayramı ilə əlaqədar bir həftəlik tətil başlayır.
Femida.az xəbər verir ki, 2019-cu ilin dekabrın 31-i, 2020-ci ilin yanvarın 1, 2, 3, 4, 5 və 6-sı ölkədə qeyri-iş günüdür.
Yanvarın 7-də iş başlayır.
Qeyd edək ki, Baş Nazir Əli Əsədov imzaladığı qərarla ölkədə iş və istirahət günlərinin yerinin dəyişdirilib. Belə ki, Əmək Məcəlləsinin 105-ci maddəsinin 7-ci hissəsinə və “Azərbaycan Respublikasının Əmək Məcəlləsinə dəyişiklik edilməsi barədə” 2006-cı il 8 dekabr tarixli 194-IIIQD nömrəli Qanununun tətbiq edilməsi haqqında” Azərbaycan Respublikası Prezidentinin 2006-cı il 18 dekabr tarixli fərmanının 2-ci hissəsinə əsasən iş və istirahət günlərinin ardıcıl olmasını təmin etmək məqsədilə 2019-cu ilin 28 və 29 dekabr istirahət günləri ilə 2020-ci ilin 3 və 6 yanvar iş günlərinin yerləri dəyişdirilib.
Xatırladaq ki, Baş Nazir Əli Əsədovun imzaladığı sərəncama əsasən, 2020-ci il martın 20, 21, 22, 23, 24-ü Novruz bayramı, mayın 24, 25-i Ramazan bayramı, iyulun 31-i, avqustun 1-i Qurban bayramı günləri müəyyən edilib.
Femida.az
Oxunub: 788
Oxşar xəbərlər
- Sabahdan ibtidai siniflər üçün 5 günlük yaz tətili başlayır
- Novruz tətili günlərində yol qəzalarında 16 nəfər ölüb
- Bu gündən məktəblilərin qış tətili başlayır
- Bu gündən məktəbəhazırlıq qruplarında qış tətili başlayır
- Yeni ildə neçə gün tətil olacaq?
- Növbəti tədris ilinin tətil günləri açıqlanıb
- Tətil günlərində milli parklarda tədbirlər keçiriləcək
- Deputatlar tətilə çıxdı
- Ermənistan müxalifəti tətil elan etdi - Bu gün kütləvi mitinq keçiriləcək
- Ermənistan müxalifəti ümumermənistan tətili elan edib