Lerik və ətraf rayonların əhalisinə hüquqi yardım göstərilib
20:02 18 Yanvar 2020
Azərbaycan Respublikası Prezidentinin 22 fevral 2018-ci il tarixli “Azərbaycan Respublikasında vəkilliyin inkişafı ilə bağlı əlavə tədbirlər haqqında” Sərəncamı ilə Azərbaycan Respublikasının Vəkillər Kollegiyasına hüquqi məsləhətə ehtiyacı olan aztəminatlı şəxslər üçün pulsuz hüquqi xidmətlər göstərilməsinin təşkil edilməsi tövsiyə olunmuşdur.
Göstərilən tövsiyənin icrası ilə bağlı həyata keçirilən tədbirlərin davamı olaraq, 18 yanvar tarixində Azərbaycan Respublikası Vəkillər Kollegiyasının təşəbbüsü ilə Lerik və ətraf rayonların əhalisinə ödənişsiz hüquqi yardım göstərilmişdir.
Bakı şəhəri 8 saylı və 10 saylı Vəkil Büroları tərəfindən Lerik Rayon Mədəniyyət Mərkəzində 50-dək vətəndaşa müxtəlif növ hüquqi yardım göstərilmiş, onların problemləri ilə tanış olunmuş, müvafiq məsləhətlər verilmiş, həmin məsələlərlə bağlı müxtəlif dövlət və qeyri-dövlət qurumlarına ərizə və şikayətlər yazılmışdır.
Qeyd olunmalıdır ki, səfər çərçivəsində vəkillər yerli icra hakimiyyəti tərəfindən təşkil olunmuş 20 yanvar şəhidlərinin xatirəsinə həsr olunmuş sərgi ilə də tanış olmuşlar.
Azərbaycan Respublikasının Vəkillər Kollegiyası tərəfindən gələcəkdə bu cür tədbirlərin Respublikanın digər regionlarında da təşkil olunub keçirilməsi nəzərdə tutulmuşdur.
Oxunub: 1228
Oxşar xəbərlər
- Lerikdə baş verən ağır yol qəzası ilə bağlı cinayət işi başlanılıb
- Lerikdə yanğın olub, xəsarət alan var
- Lerik sakini ehtiyatsızlıqdan özünü güllələyib
- Lerikdə qanunsuz qazıntı işləri aparan şirkətlə bağlı məhkəməyə müraciət olunub
- Lerikdə icra nümayəndəsi və xəstəxana əməkdaşına cinayət işi açılıb
- Lerikdə bir neçə kəndin rayon mərkəzi ilə əlaqəsi kəsilib
- Lerik-Kəlvəz yolunda qaya uçub
- Lerikdə dağlıq ərazidə yanğın- Helikopter qaldırıldı
- Lerikdə meşə yanır
- Lerikdə qadını öldürən molla məhkəmə qarşısına çıxarılır