“Bu insident aradan qaldırılacaq” - Bahar Muradova
21:22 30 Noyabr 2015
Azərbaycan Türkiyə-Rusiya əlaqələrinin pisləşməsindən çox təəssüflənir və narahatdır.
Femida.az-ın məlumatına görə, bunu jurnalistlərə Milli Məclisin vitse-spikeri Bahar Muradova Türkiyə-Rusiya münasibətlərini şərh edərkən deyib.
O qeyd edib: "Biz təəssüf edirik ki, regionda belə bir insident baş verib. İnanmaq istəyirəm ki, hər iki dövlətin rəhbərliyi, cəmiyyəti və xalqları bu insidentin böyük fəlakətə sürükləyə biləcək qarşılıqlı ziddiyyətlərə, qarşıdurmalara gəlib çıxmasına imkan verməyəcəklər. Bu insident aradan qaldırılacaq".
B.Muradova bildirib ki, Azərbaycan bu proseslərdən çox təəssüflənir və narahat olur: "Çünki Rusiya ilə gözəl əlaqələrimiz var. Bu, strateji müttəfiqliyə söykənir. Türkiyə isə çox yaxın və qardaş ölkədir. Bu iki ölkə arasında baş verən proseslərə biganə qala bilmərik. Əlbəttə, narahatlığımızı da bu səbəbdən ifadə edirik. Azərbaycan olaraq, biz münasibətlərin qurulması, davam etdirilməsi üçün hansı imkanlarımız varsa, onlardan istifadə etməyə cəhd edirik. İlk növbədə, hər bir siyasi xadimə, ictimaiyyətə, mətbuata bu münasibətlərin gərginləşməsinə xidmət edən açıqlamalar verməkdən çəkinməyi tövsiyə edərdim".
Oxunub: 676
Oxşar xəbərlər
- “Bu yolun sonunda ölüm də olsa, hazırıq” - Bərzani
- “Bu, Ermənistanın iyrənc yalanıdır“ - Müdafiə Nazirliyi
- “Bu qanlı cinayət erməni vəhşiliyinin növbəti təzahürüdür” - İlham Əliyev
- “Büdcə xərcləri 100 faiz icra edilməlidir” - Prezident
- “Bu, Azərbaycana 500-600 milyon dollar gəlir gətirəcək” - Nazarbayev
- “Bu, pul seçkisi idi” - Ermənistan müxalifətçisi
- “Bütün işlərə səbrlə yanaşmalıyıq“ - Papadan Qarabağ açıqlaması
- “Bürclər dəyişməyib” – Astroloqdan açıqlama
- “Bunun cəriməsi 150 manat yox, cəmi 50 manatdır“
- “Bu qərardan müvafiq instansiyalara şikayət edəcəyik” - Mirşahin Ağayev