Maska taxmayanların ödədiyi cərimələr koronavirusla mübarizəyə xərclənəcək
14:53 03 İyun 2020
Azərbaycanda tibbi maska taxmamağa görə inzibati cərimələr İnzibati Xətalar Məcəlləsinin 25.8-ci bəndinə və hər ilin dövlət büdcəsi haqqında qanuna görə dövlət büdcəsinə ödəniləcək.
Femida.az xəbər verir ki, bunu "Report"un sorğusuna cavab olaraq Maliyyə Nazirliyinin mətbuat xidmətinin rəhbəri Mayis Piriyev bildirib.
"Daha əvvəl də qeyd etdiyimiz kimi, karantin rejiminin pozulmasına görə tətbiq olunan cərimələr hesabına əlavə büdcə daxilolmalarının koronavirusla mübarizə tədbirlərinin maliyyələşdirilməsinə yönəldilməsi nəzərdə tutulur", - deyə nazirlik rəsmisi bildirib.
Xatırladaq ki, pamdemiya əleyhinə, sanitariya-gigiyena və karantin rejimləri dövründə tənəffüs yollarını qoruyan fərdi vasitələrdən istifadə ilə bağlı müvafiq icra hakimiyyəti orqanı tərəfindən müəyyən edilən tələblərin pozulmasına, habelə vəzifəli şəxslər tərəfindən həmin tələblərin pozulmasının qarşısının alınmamasına görə fiziki şəxslər 50 manat məbləğində, vəzifəli şəxslər 100 manat, hüquqi şəxslər 200 manat məbləğində cərimə ediləcək. Bu, Prezident İlham Əliyevin ötən gün təsdiqlədiyi İnzibati Xətalar Məcəlləsinə edilən dəyişiklikdə əksini tapıb.
Oxunub: 697
Oxşar xəbərlər
- Maska tələbi ilk olaraq bu məkanlarda ləğv olunacaq – AÇIQLAMA
- Maska və vaksin pasportu ləğv edilir? - AÇIQLAMA
- Maska taxmayanlar cərimələndi
- Maska taxmağın məcburi olduğu yerlər - SİYAHI
- Maskaya görə cərimələr artırıldı
- Maska taxmamağa görə cərimələr artırılır
- Maska idxalı sentyabradək rüsumdan azad edildi
- Maskadan istifadə etməməyə görə cərimələr 2 dəfə artırılır
- Maska taxılmamasına görə cərimələr qüvvəyə minib - MƏBLƏĞ
- Maskadan istifadə tələblərinin pozulmasına görə cərimələr müəyyənləşir - MƏBLƏĞ