Ermənistanda siyasi həbslər davam edir - 18 nəfər saxlanıldı (VİDEO)
17:00 12 İyun 2020
Ermənistan polisi "Adekvad” ictimai-siyasi təşkilatının rəhbəri Artur Danielyan, "Vətən" partiyasının idarə heyətinin üzvü Arsen Babayan və hüquq müdafiəçilərinin saxlanıldığı polis binasının qarşısına toplaşan bir sıra digər şəxsləri tutub.
Femida.az “Aysor.am”a istinadən xəbər verir ki, Ermənistan polisi daha əvvəl hüquq müdafiəçisi Ruben Melikyanı parlament binası qarşısında təkbaşına piket keçirdiyi üçün saxlayıb.
Melikyan hakimiyyətdən vətəndaşların dinc aksiya və toplaşma hüquqlarına zəmanət verməsini tələb edirdi.
“Vətəndaşlara dinc aksiya azadlığının qaytarılmasını tələb edirik. Dörd aydır ki, bu hüquq əlimizdən alınıb”, - Melikyan jurnalistlərə bildirib.
Aksiyaya bir sıra hüquq müdafiəçiləri, o cümlədən Ermənistanın ilk ombudsmanı Larisa Alaverdyan da qatılıb. O, həmçinin deputatları bu məsələni müzakirə etməyə çağırıb.
Bundan başqa, polis erməni fəal Babken Arutyunyanı da tutub. Ermənistan KİV-ləri isə ümumilikdə 18 nəfərin saxlandığını yazır.
Qeyd edək ki, “Vətən” partiyasına Milli Təhlükəsizlik Xidmətinin sabiq direktoru Artur Vanetsyan rəhbərlik edir.
Femida.az
Oxunub: 589
Oxşar xəbərlər
- Krım körpüsünü partladan yük maşını Ermənistana necə daxil olub?
- Belarus səfiri Ermənistan XİN-ə çağırılıb
- Azərbaycan XİN: "Ermənistan bölgədə vəziyyəti gərginləşdirmək istəyir"
- Hikmət Hacıyev Baydenin köməkçisi və Ermənistan TŞ-ın katibi ilə görüşüb
- XİN: Ermənistanı beynəlxalq öhdəliklərə əməl etməyə çağırırıq
- Zakir Həsənov Ermənistan tərəfindən törədilə biləcək istənilən təxribatın qarşısının alınması üçün tapşırıqlar verib
- Ermənistan tərəfindən açılan atəş nəticəsində Azərbaycanın üç hərbçisi yaralanıb
- Azərbaycan MN: "Ermənistan MN-in yaydığı məlumat tamamilə yalandır"
- Naxçıvanda Ermənistana məxsus PUA zərərsizləşdirilib
- Azərbaycan MN: "Ermənistan silahlı qüvvələrinin canlı qüvvəsi və texnikası böyük itkilər verərək geri çəkilib"