Restoran və kafelər bu qaydada işləyəcək
13:04 11 Avqust 2020
Azərbaycan Qida Təhlükəsizliyi Agentliyi (AQTA) insanların sıx toplaşmasının xəstəliyin yayılma intensivliyinə birbaşa təsirini nəzərə alaraq, ictimai iaşə müəssisələrində bir sıra qaydalara əməl etməli olduqları qaydalarla bağlı növbəti dəfə açıqlama yayıb.
Femida.az AQTA-ya istinadən qaydaları təqdim edir:
• Hər bir şəxs ictimai iaşə müəssisələrinə daxil olarkən pandemiya şəraitinin tələblərinə mütləq əməl etməli, eyni zamanda həmin müəssisədə bu qaydalara əməl olunması üçün ictimai nəzarətin təmin olunmasında iştirak etməlidir.
• İctimai iaşə müəssisələrinə müştəri qəbulu 2 dəfə azaldılmalı və adambaşına müəyyən edilən sahə 2 qat artırılmalıdır.
• Qida qəbulu zallarında, otaqlarda və açıq məkanlarda masalararası məsafə 2 metr, masalar arxasındakı oturacaqlar arasındakı məsafə isə 1 metrdən az olmamalıdır.
• Bu cür məkanlarda mütəmadi dezinfeksiya işləri aparılmalı, hər bir masada dezinfeksiyaedici məhlulların yerləşdirilməsi təmin olunmalıdır. Qida qəbulu zallarında, otaqlarda və açıq məkanlarda sərinkeşlərdən (ventilyatorlardan) istifadə olunmamalı, təmizlik-dezinfeksiya işləri iş saatı ərzində əsasən işlək sahələrdə (giriş-çıxış, kassa və s.), iş saatından sonra isə bütün sahələrdə həyata keçirilməlidir.
• Müəssisə təmizlik vasitələri, dezinfeksiyaedici maddələrlə, axar isti və soyuq su təchizatı ilə daimi olaraq təmin edilməlidir. Sanitar məişət otaqlarının (sanitar qovşaq, soyunub geyinmə otağı və s.) işlək və təmiz vəziyyətdə saxlanması şərtdir.
• İşçi heyət hər zaman şəxsi gigiyena qaydalarına ciddi riayət etməlidir. Həmçinin onların dəyişəkli təmiz iş geyimi olmalıdır. Gün ərzində bir çox insanla təmasda olduqlarından qoruyucu vasitələrlə və dezinfeksiyaedici məhlulla təmin olunmalıdırlar.
• Məhsulların, mətbəxdə istifadə olunan əşya və avadanlıqların istifadədən əvvəl təmizliyinə diqqət edilməlidir.
• Yeməklər hazırlanarkən termiki emala düzgün əməl olunmalıdır.
Qeyd edək ki, gələn həftədən etibarən restoran və kafelərin fəaliyyətinə iczə verəcəyi ehtimal edilir.
Femida.az
Oxunub: 979
Oxşar xəbərlər
- Restoranda karantini pozan 25 nəfər cərimələndi
- Restoran sahibi 200 nəfərlik toya görə cərimələndi
- Restoranda toy edən 40 nəfər cərimələnib
- Restoranda ad günü məclisi keçirən model cərimələndi
- Restoran sahiblərinə xəbərdarlıq edilib
- Restoranlar açılır, toylar isə oktyabradək olmayacaq
- Restoranlar, kafelər, metro, əyləncə mərkəzləri ən azı ilin sonuna qədər qapalı qalmalıdır - AÇIQLAMA
- Restoran, kafe və çayxanalar bağlandı
- Restoran yaxınlığında əl qumbarası tapıldı
- Restoranlarda nərə balığı adı ilə insanlara başqa ət satılır