Məcburi köçkünlərin yataqxanasındakı yanğınla bağlı açıqlama
19:55 28 Avqust 2020
Qaçqınların və Məcburi Köçkünlərin İşləri üzrə Dövlət Komitəsi Yasamal rayonunda yerləşən yataqxana binasında baş verən yanğınla bağlı məlumat yayıb.
Dövlət Komitəsindən Femida.az -a daxil olan məlumatda deyilir:
"Avqustun 28-də paytaxtın Yasamal rayonu ərazisindəki Şərifzadə küçəsində yerləşən yataqxana binasına bitişik taxta konstruksiyadan ibarət tikilidə və binanın bəzi hissələrində yanğın baş verib.
Fövqəladə Hallar Nazirliyinin yanğından mühafizə bölmələri tərəfindən yanğın söndürülüb.
Qaçqınların və Məcburi Köçkünlərin İşləri üzrə Dövlət Komitəsinin nümayəndələri hadisə yerinə baş çəkib, burada müvəqqəti məskunlaşmış məcburi köçkünlərin vəziyyəti ilə tanış olublar. Hazırda yanğın olan binada Azərbaycan Respublikası Nazirlər Kabinetinin 2017-ci il 24 fevral tarixli 65 nömrəli qərarı ilə təsdiq edilmiş “Məcburi köçkünlərin müvəqqəti yerləşdirilməsi fondunun yaşayış sahələrinin verilməsi Qaydası”nın tələbləri əsasında, yeni müvəqqəti yaşayış sahəsinə köçürülməsi mümkün olmayan ailələr yaşayırlar".
Xatırladaq ki, Yasamal rayonu ərazisində yerləşən, Azərbaycan Texniki Universitetinin 1, 2, 3, 4, 5, 6 saylı tələbə yataqxanalarında, yataqxana kompleksinin həyətində, eləcə də, Azərbaycan Memarlıq və İnşaat Universitenin 1, 2, 4, 5 saylı tələbə yataqxanalarında, sanatoriya binasında, yataqxana kompleksinin həyətində, buradakı yarımçıq tikilidə 1340 ailənin müvəqqəti məskunlaşdığı qeydə alınıb və müvafiq qaydada siyahılaşdırılıb. Bunlardan 1133 məcburi köçkün ailəsi “Qobu Park-3” yaşayış kompleksində müvəqqəti yaşayış sahəsinə – yeni mənzillərə köçürülüb.
Bu ərazidə məskunlaşmış 161 ailəyə, “Məcburi köçkünlərin müvəqqəti yerləşdirilməsi fondunun yaşayış sahələrinin verilməsi Qaydası”nın tələbləri əsas götürülərək, yeni yaşayış sahəsi verilməyib.
Yanğının başvermə səbəbləri Fövqəladə Hallar Nazirliyi tərəfindən araşdırılır.
Femida.az
Oxunub: 1482
Oxşar xəbərlər
- Məcburi köçkünlər ev məsələsinə görə məhkəməyə verilir
- Məcburi köçkünlərin binasında yanğın, 20 nəfər təxliyə edilib
- Məcburi köçkünlərin mütləq əksəriyyəti qayıtmaq istəyir
- Məcburi köçkünlər arasında qayıdışla bağlı sorğu başladı
- Məcburi köçkünlərin qayıdışı müzakirə olundu
- Məcburi köçkünlər arasında sorğunun keçirilməsinə başlanıb
- Məcburi köçkünlər öz torpaqlarına qayıtdıqdan sonra 3 il müddətinə müavinət alacaqlar
- Məcburi Köçkünlərin Sosial İnkişafı Fondu daha bir tenderə yekun vurub
- Məcburi Köçkünlərin Sosial İnkişaf Fondu 7 mln manatlıq tenderə yekun vurub
- Məcburi köçkünlər üçün evlərin tikintisi davam etdiriləcək