Zaxarovadan "Seuta qalmaqalı" ilə bağlı açıqlama
18:00 21 Avqust 2021
Rusiya Xarici İşlər Nazirliyi (XİN) bir neçə gün öncə İspaniyanın rus gəmilərinə qarşı sərt davranış sərgiləməsinə reaksiya verib.
Femida.az xəbər verir ki, XİN sözçüsü Maria Zaxarova bildirib ki, İspaniyanın Rusiya gəmilərinin Seuta limanına girməsinə icazə verməməsi Moskvanı təəccübləndirib.
"İspaniya səlahiyyətli orqanlarının Rusiya Hərbi Dəniz Qüvvələrinin Şimal Donanmasının gəmilərinə ("Vitse-admiral Kulakov" və onun xilasetmə yedək gəmisi olan "Altay"-red.) Seuta limanına girməsinə icazə verməkdən imtina etməsini çaşqınlıqla qarşıladıq. Bu vəziyyət, xüsusən də Rusiya hərbi gəmilərinin İspaniya limanlarına girməsi ilə bağlı mövcud olan müsbət qarşılıqlı təcrübə fonunda, ən azından qəribə görünür", - nazirliyin saytında yerləşdirilən şərhdə deyilir.
Zaxarova fikirlərinə onu da əlavə edib ki, ispanların belə bir addım atması iki ölkə arasında 2009-cu ildə imzalanmış Strateji Tərəfdaşlıq Bəyannaməsinin ruhuna, həmçinin son illərdə Rusiya-İspaniya qarşılıqlı fəaliyyətinin konstruktiv inkişafına ziddir.
Qeyd edək ki, İspaniya XİN-i Rusiya hərbi gəmilərinin Afrikanın şimal sahilindəki Seuta limanına daxil olmasına icazə verməyib. Rusiya tərəfi avqustun 18-dən 20-dək Seuta şəhərində "Vitse-admiral Kulakov" və onun yedək gəmisi "Altay" üçün dayanmaq icazəsi istəyib.
Femida.az
Oxunub: 417
Oxşar xəbərlər
- Ukrayna Baş Qərargahı: “Rusiyanın daha 45 qanadlı raketi, 4 helikopteri vurulub”
- Rusiya Ukraynanın Zaporojye şəhərini raket atəşinə tutub
- Ukrayna Baş Qərargahı: "Son sutkada Rusiyanın 44 tankı məhv edilib"
- Rusiya səfiri Finlandiya XİN-ə çağırılıb
- Ukrayna Baş Qərargahı: "Rusiyanın itkiləri 59 mini keçib"
- "Rusiya bu ərazilərə nüvə silahı atacaq. Plan hazırdır" - Britaniya kəşfiyyatı
- Rusiyada hərbi komissarlığa silahlı hücum olub, hərbi komissar ölüb
- Ukrayna Baş Qərargahı Rusiyanın itkilərinin sayını açıqlayıb
- Ukrayna Baş Qərargahı Rusiyanın itkilərini açıqlayıb
- Ukrayna Rusiyanın qismən səfərbərlik elan etməsinə münasibət bildirib