“Şuşada da DOST Mərkəzi yaradılacaq”- Sahil Babayev
21:59 02 Sentyabr 2021
“2019-cu ilin may ayından Bakı və Abşeron rayonu üzrə artıq 5 DOST Mərkəzi açılıb. Qısa müddətdə DOST Mərkəzləri şəbəkəsi ölkəmizin bütün regionlarını, o cümlədən işğaldan azad edilmiş bölgələri əhatə edəcək”.
Femida.az xəbər verir ki, bunu əmək və əhalinin sosial müdafiə naziri Sahil Babayev deyib.
Nazir Şuşada da DOST Mərkəzinin yaradılacağını, ümumən işğaldan azad edilmiş rayonların hər birinin DOST xidmətləri ilə əhatə olunacağını deyib.
S. Babayev vurğulayıb ki, DOST Agentliyi və mərkəzləri Prezident İlham Əliyevin Fərmanına əsasən yaradılıb: “Birinci vitse-prezident, Heydər Əliyev Fondunun prezidenti Mehriban Əliyevanın təşəbbüsü olan DOST konsepsiyası əmək, məşğulluq, əlillik, sosial təminat sahələri üzrə 152 növdə xidmətin “bir pəncərə”dən, tam şəffaf, operativ, vətəndaş rahatlığı və məmnunluğu prinsipinə uyğun təqdim olunmasına imkan verib”.
DOST Mərkəzlərində artıq 500 mininci vətəndaşa xidmət göstərildiyini qeyd edən S. Babayev vətəndaşların xidmətlərdən məmnunluq səviyyəsinin 97 faiz üzərində olduğunu deyib.
Nazir bildirib ki, DOST mərkəzləri Azərbaycanın yeni brendi olmaqla, bir çox ölkə ölkəmizin bu innovativ yeniliyini öyrənməyə çalışır. Onun sözlərinə görə, hazırda 14 ölkə Azərbaycanın sosial sahədə mühüm innovativ yeniliyi olan DOST təcrübəsini özündə tətbiq etməkdə maraqlıdır.
Femida.az
Oxunub: 436
Oxşar xəbərlər
- Məşhur idmançılar Prezidentə müraciət etdi +VİDEO
- Şuşanın adını daşıyan "Xarı Bülbül" komandası dağılır - Sponsor niyə tapılmır?
- "Valideynlər məktəbli formalarını istədikləri satış məntəqələrindən ala bilərlər" - DİREKTOR
- Heydər Əliyevin mühafizəçisi nələri danışdı? - VİDEO
- Bu gün Ümummilli Lider Heydər Əliyevin 100 illik yubileyidir
- Ermənilər əsgərimizə görün nə edib - 18+VİDEO
- Mətbuatda şikayəti yayımlanan vətəndaş niyə həbs olunub? - DİN-DƏN AÇIQLAMA
- Hesablama Palatası AzTV-də yoxlamalara başlayıb
- Fazil Mustafa harada güllələnib? - ƏRAZİDƏN VİDEO
- Mingəçevir evdə qadın meyiti tapılıb