Daşkəsəndə dövlət müəssəsəsindən 37 min manatlıq oğurluq etmək istəyən dəstə saxlanılıb
10:38 15 Mart 2022
Daşkəsən Rayon Polis Şöbəsinin (RPŞ) əməkdaşlarının keçirdikləri təxrə salınmaz əməliyyat-axtarış tədbirləri nəticəsində rayon ərazisində fəaliyyət göstərən “Alunit” İstehsalat Sahəsinin ərazisindən külli miqdarda metal məfti (tros) və çəpərləri oğrulamağa cəhd edən şəxslər “iş” başında yaxalanıb.
Daxili İşlər Nazirliyinin Mətbuat Xidmətinin Gəncə regional qrupundan Femida.az-a verilən məlumata görə, peşəkarlıqla keçirilən əməliyyat tədbirləri zamanı qabaqcadan əlbir olaraq bir qrup şəxs halında dövlət əmlakını gizli yolla talamağa cəhd edən Daşkəsən rayon sakinləri Niyazi Məmmədov, Vüqar Alıyev, Eşqin İmamverdiyev və Elnur Əsgərov saxlanılıblar. Araşdırmalar zamanı məlum olub ki, həmin şəxslər mart ayının 11-də elektrikli mişar və digər alətlər vasitəsi ilə ərazidəki ümumi dəyəri 36 993 manat olan kanat yolunun qoruyucu çəpərlərini saxlayan 1 600 metr uzunluğundakı metal məftil (tros) və 400 metr uzunluğundakı dəmir çəpərləri oğurlamağa cəhd ediblər.
Şübhəli şəxslər maddi sübutlarla birlikdə saxlanılaraq istintaqa təhvil verilib, faktla bağlı Daşkəsən RPŞ-də zəruri istintaq-əməliyyat tədbirləri davam etdirilir.
Oxunub: 3369
Oxşar xəbərlər
- Daşkəsəndə 21 yaşlı oğlan itkin düşüb
- Daşkəsəndə narkotikin təsiri altında avtomobil idarə edən şəxs saxlanılıb
- Daşkəsəndə itkin düşənlər minaya düşüblər - DİN
- Daşkəsəndə yaşayış yerini tərk edən koronavirus xəstəsinə cinayət işi açılıb
- Daşkəsəndə 1 yaşlı körpə yanıq xəsarətləri alıb
- Daşkəsəndə avtomobil aşıb, xəsarət alan var
- Daşkəsəndə yaşlı kişinin meyiti aşkarlanıb
- Daşkəsəndə mal-qara oğruları saxlanılıb
- Daşkəsəndə həmyerlisinə balta ilə xəsarət yetirməkdə şübhəli bilinən şəxs saxlanılıb
- Daşkəsəndə gənc və yeniyetmə dumanlı havada itkin düşüb