ABŞ-da Ukraynaya müasir HHM sistemlərinin tədarükü müzakirə edilir
21:55 25 Mart 2022
“Birləşmiş Ştatlar Ukraynanı qabaqcıl Hava Hücumundan Müdafiə (HHM) sistemləri ilə təmin etmək üçün Avropa və digər yerlərdəki tərəfdaşları ilə işləyir. Bundan əlavə, Vaşinqton müttəfiqləri ilə Kiyevin sahil müdafiəsi, o cümlədən gəmi əleyhinə raketlərlə təmin edilməsi perspektivlərini müzakirə edir, lakin Ukrayna tərəfi Amerikadan tankların tədarükü üçün müraciət etməyib”.
Femida.az xəbər verir ki, bunu jurnalistlər üçün keçirdiyi brifinqdə ABŞ prezidentinin milli təhlükəsizlik üzrə köməkçisi Ceyk Sallivan bildirib.
“Mən konkret ölkələr və ya konkret sistemlər haqqında danışmayacağam. Bu iş gedir. Və təbii ki, bu sistemlərin lazımi yerə çatdırılmasını təmin etmək üçün bu işin effektivliyini qorumaq istəyirəm. Biz ukraynalılar və müttəfiqlərlə təmin edə biləcəyimiz sahil müdafiəsi və gəmi əleyhinə imkanlar barədə danışıqlar aparırıq. Bununla bağlı bəzi əməliyyat mürəkkəbliyi var. Amma bu, bizim sürətli inkişafı təmin etməyə çalışdığımız vektor və sahədir”, - Amerika liderinin müşaviri bildirib.
Onun sözlərinə görə, Ukrayna prezidenti Volodimir Zelenski ABŞ-dan tankların verilməsini istəməyib: “Biz onun tanklarla bağlı istəyini eşitdik, mənim başa düşdüyüm kimi, ukraynalılar tank məsələsində konkret olaraq ABŞ-a deyil, bəzi başqa dövlətlərə müraciət ediblər”.
Oxunub: 429
Oxşar xəbərlər
- ABŞ-da atışma olub, ölən və yaralananlar var
- ABŞ-da paradda atışmada ölənlərin sayı 7 nəfərə çatıb
- ABŞ-da yük maşınında 46 nəfərin meyiti aşkarlanıb
- ABŞ-da kilsəyə silahlı hücum zamanı ölənlərin sayı artıb
- ABŞ-da festivalda atışma olub, ölən və yaralananlar var
- ABŞ-da yaşayan tanınmış azərbaycanlı alim vəfat edib
- ABŞ-da atışma nəticəsində 6 nəfər ölüb
- ABŞ-da atışma olub, ölən və xəsarət alanlar var
- ABŞ-da vaksinasiyadan imtina etdiyi üçün 27 hərbçi qovulub
- ABŞ-da yol qəzasında ölən Azərbaycan vətəndaşının nəşi Bakıya gətirilib