Ekvadorda həbsxanada toqquşma zamanı 20 nəfər öldürülüb

11:12     04 Aprel 2022

Ekvadorun cənubundakı Kuenka şəhərində yerləşən həbsxanada baş verən toqquşmalar nəticəsində 20 nəfər öldürülüb.

Femida.az xəbər verir ki, bu barədə ölkə hökumətinin mətbuat xidməti tviterdə məlumat yayıb.

"20 ölü Kuenka Məhkəmə Tibb Mərkəzinə gətirilib. Vətəndaşlardan rəsmi kanallar vasitəsilə məlumat almalarını xahiş edirik", - xəbərdə deyilir.

Toqquşmalar zamanı azı 10 məhbus da yaralanıb, 52 nəfər isə həbsxanadan qaçmağa müvəffəq olub. İlkin ehtimala görə, qarşıdurmalara səbəb müxtəlif cinayətkar qrupların nümayəndələri arasında rəqabət olub. Hazırda polis cəzaçəkmə müəssisəsində asayişin bərpası istiqamətində iş aparır, əməliyyatda 200-dən çox hərbçi də iştirak edir.

Açar sözlər:

Oxunub: 409